محافظ كفر الشيخ يؤكد استمرار رعاية الفقراء والأشد احتياجًا

قال محافظ كفرالشيخ الدكتور أسامة حمدى عبدالواحد، إن مصر بها مواطنون محترمون يساعدون الفقراء والأشد احتياجا

وأضاف، خلال قيامه بتسليم 25 منزلا للأسر الأشد فقرا بقرية 67 الجديدة التابعة لمركز الحامول في كفرالشيخ، "مصر مفيهاش حد بيجوع".

وتابع عبدالواحد "دي مش هبة من حد لحد، بلدكم اللى بتعملكم ده، والناس المحترمين اللي بتشتغل في البلد دي وبتساعد الفقرا، لأن ده حقهم عليهم".

وأردف محافظ كفرالشيخ "مصر البلد الوحيد في العالم اللي ذكرت فى القرآن أكثر من مرة، ومفيهاش حد بيجوع، وربنا خصها بالأمن والأمان، وهى دى جمعيات المجتمع المدنى، هي دي الأورمان ومعاها رجال أعمال يمكن كانوا زينا وأقل مننا لكن ربنا فتح عليهم".

وقال عبدالواحد "مصر اللي بتعمل المصريين، من 9شهور ولما كنت بحلف اليمين أول كلمة الريس قالها خلوا بالكم من الغلابة، ودى نتيجة صغيرة إننا مخلين بالنا من الغلابة، وهنخلى بالنا تالت ورابع وعاشر".

يذكر أن جمعية الأورمان بالتعاون مع الوحدة المحلية بغرب تيرة،أجرت أبحاثا ووجدت أن 25 أسرة بالقرية حالتها تحت خط الفقر، وليس لديها منازل ويعيشون تحت أسقف منازل مبنية بالطين، فتم إعادة بنائها وتوصيل الخدمات إليها من مياه وكهرباء وصرف صحي بتكلفة نحو 600 ألف جنيه على نفقة الجمعية.

وتبلغ مساحة المنازل المنازل مساحتها  70 متر تم تجهيزها  بدولاب وسراير ومطبخ وراس ماشية لكل اسرة.