رسالة قوية من عمرو محمود يس إلى معتز مطر

وجه الفنان عمرو محمود ياسين رسالة إلى المذيع معتز مطر الذى يعيش حالياً بتركيا ويقدم برنامج بقناة "الشرق" الأخوانية، وعلق عمرو عبر حسابه الشخصى على فيس بوك قائلاً: "معتز مطر والله لما تتنطط و تتني و تتفرد طول ما انت جعجاع خارج حدود مصر، فلا تقدير و لا احترام في شباب هنا في مصر يختلف معهم من يختلف لكن ده لا ينفى انهم اشجع و ارجل منك، انا بالنسبه لي بشوف المرحله دي مش مرحلة تظاهر انا بشوفها مرحلة بناء جيل جديد كل واحد في بيته مع اولاده كل معلم في مدرسته ، لازم نستثمر في ابناءنا ، هما اللي جايين و هما اللي من خلال اهتمامنا بيهم هيقدروا يعدلوا اللي احنا مش قادرين نعدله و كمان كل واحد في شغله يحاول يعمل اللي فيه صالح المجتمع و الناس و بالتالي صالح الوطن،  اما اللي بيصرخوا من خارج حدود مصر فآسف جدا انتوا نفسكوا لو جوه مش هتعملوا كده، خالص، عشان كده خرجتوا . 

المرحله اللي احنا فيها سياسيا انا شايفها بصورة و شكل معين قررت فيه مع نفسي اني اقوم بدوري من خلال شغلي وبس ، و قررت انا لا اصنف نفسي ... فقط هحاول من خلال شغلي اني اعمل اللي اشوف فيه صالح الناس والبلد مجرد رأي إذا اختلفت معايا اهلا بيك احترم رأيي عشان انا كمان احترم رأيك".