فتاة مصرية تُنقذ نفسها من الاغتصاب وتقفز من "التوك توك"

انتشرت في السنوات الأخيرة ظاهرة التحرش والاغتصاب في مصر، حتى أننا أصبحنا نسمع العديد من الأخبار حول هذا الأمر بشكل يومي، وأصبحت الشوارع غير آمنة بالمرة للفتيات، خاصة اللاتي يخرجن من بيوتهن وحدهن، وأصبحت كل فتاة عليها التفكير مليا لإنقاذ نفسها في كل مرة، وهو ما حدث في الواقعة الآتية.

كشفت فتاة على موقع التواصل الاجتماعي "فيسبوك" تدعى "سمية فؤاد"، عن تعرضها لمحاولة خطف واغتصاب، من خلال "توك توك" كانت به وحدها، إلا أنها تمكنت في اللحظة الأخيرة من إنقاذ نفسها، وفي الآتي، تروي الفتاة عبر حسابها الشخصي تفاصيل الواقعة.

وقالت الفتاة: "اللي حصلي النهاردة ده كان كابوس، أنا هحمد ربنا عليه لحد آخر نفس فيا، هفضل آحمد ربنا الحمد الله رب العالمين إني رجعت البيت لأهلي سليمة، ويا ريت كل بنت تاخد بالها من نفسه، إحنا بقينا ف بلد بنت (….)، مافيش فيها آمان، والناس بقيت (…) من ال(….) بمعنى الكلمة".

وأضافت الفتاة الضحية: "النهاردة في عز الضهر أنا كنت هتخطف بكل سهولة، الموضوع بدأ إني ركبت توك توك كنت لوحدى فيه، ولستر ربنا ببص في المرايا لاقيت أطفال قاعدين ورايا".

وتابعت "سمية": "أنا لمده ثواني عقلي اتشل، اتشل بمعنى الكلمة، اللي هو ازاي دول قعدين وأنا أصلا لوحدي، ببص ورايا لقيت 3 بنات قعدين في المكان اللي بيكون ورا ده، وبمجرد ما بصيت عليهم كان اترش عليا حاجه خلتني مش قادره أتكلم".

واستطردت: "فجأة اتحولت كل حاجة حواليا لصدى صوت، بحمد ربنا إن أنا رميت نفسى من التوك توك، ورميت نفسي إزاي أنا معرفش، معرفش لحد دلوقتي ده حصل إزاي، الحمد الله الحمد الله يا رب إنك ماوجعتش قلب أهلي عليّ".