مصرية تطلب الخلع بسبب ما وصفته بـ"خجل زوجها الشديد"

أقامت إسراء.ع 25 عامًا، دعوى خلع حملت رقم 1443/2019، ضد زوجها خالد.أ 28 عامًا، لاستحالة العشرة بينهما، بسبب ما وصفته بخجل زوجها الشديد، بعد أقل من 6 أشهر على الزواج.

جمع زواج تقليدي بينهما، وتروي إسراء: "اتعرفت عليه عن طريق صداقته مع ابن خالتي، ماكانش باين حاجة غير إنه شاب محترم وابن حلال وخلاص ماكانش في دماغي حاجة.. كان بينزل إجازة كل فترة ويدوب ييجي يزورنا هو وأهله مرة ونقعد معاهم وخلاص وكنت مضايقة جدا بسبب إني عمري ما حسيت إني مخطوبة زي البنات ولا بيقولي كلام حب ولا أي حاجة".

خلافات في فترة الخطوبة دفعتها لطلب الانفصال، تضيف: "كنا بنتكلم في التليفون كلام عادي تقليدي عمره ما قالي كلمة حب ولا غزل زي ما كنت بشوف أصحابي لدرجة اتخانقت معاه أكتر من مرة وكان يقولي عيب اللي بتقوليه ده واشتكيت لماما راحت غلطتني وقالتلي أنتي فضحتينا هيقول عليكي بنت مش متربية".

إحراج زائد بسبب خجل الزوج الشديد، توضح الزوجة الثلاثينية: "من أول يوم جواز وبدأت المشاكل بسبب تأكدي إن جوزي مش طبيعي وبيتكسف جدا زي البنات وأكتر حتى في علافتنا هو اللي بيطلب يطفي النور وميبصش في عيني حتى في الكلام ولو لمسته أو قولتله كلمة حب أو عزل وشه يحمر مبقتش قادرة أحتمل وأهلي بقوا واخدين بالهم وبيتريقوا علي وعليه.. حياتنا بقت سخيفة واتكلمت معاه كتير لكن مفيش فيدة ".

تقول إسراء: "حاولت أجرأه علي وأخيه يتعامل عادي لكن هو عنده كل حاجة عيب وحرام وشايف إن كلام مامته ده أهم حاجة في الدنيا وإن أنا اللي جريئة بزيادة مع إني بنت عادية جدا لكن اجتماعية.. المرة الأخيرة اتخانقنا قالي إني قليلة الأدب عشان بقوله إنه مش زي الرجالة ومش جريء ولا بيفكر يعمل حاجة مميزة في حياتنا وكملها بإنه سابلي البيت وبقاله عند مامته أكتر من 3 شهور زعلان وماحاولش حتى يصالحني أو يرجع البيت وسايبني متعلقة".

قـــــــــــــد يهمــــــــــــــك ايضــــــــــــــــا 

 سيدة ثمانينية ترفع دعوى خلع ضد زوجها بسبب "العلاقة الحميمة"

سيدة تُقيم دعوى خلع من زوجها وتروي القصة كاملة أمام محكمة الأسرة