ميّ عمر تحتفل بانتهاء تصوير "إش إش"

نشرت الفنانة مي عمر عبر حسابها الخاص على "إنستغرام" مقطع فيديو من كواليس آخر يوم تصوير لمسلسلها الرمضاني "إش إش" ظهرت فيه وهي تحتفل مع فريق عمل المسلسل بانتهاء التصوير.

وظهرت مي في الفيديو برفقة زوجها مخرج العمل محمد سامي، والفريق يهتف بكلمة "فركش"، وعلقت عليه برسالة طويلة وجهتها لفريق العمل واختصت زوجها محمد سامي برسالة خاصة.

كتبت مي على الفيديو: "حقيقي مش قادرة أوصف إحساسي وأنا بودّع الشخصية اللي عشت معاها رحلة فيها كل حاجة من ضحك وبكاء وقلق وفرح. حبيت كل لحظة قضيتها وأنا بجسدها، وحاسة إن جزء مني هيفضل معاها دايمًا، وهيوحشني كل تفصيلة فيها بجد".
تابعت: "شكرًا لكل فرد من فريق العمل اللي اشتغل بإخلاص عشان يطلع العمل ده بأحسن شكل.. فريق العمل في "إش إش"، كان سر نجاح كواليس التجربة دي. كل حد في الفريق، من أول التقنيين لحد الإنتاج، كان بيشتغل من قلبه عشان يطلع العمل بأحسن شكل".

وأضافت: بجد، ما حسيتش إني لوحدي لحظة، كلنا كنا إيد واحدة، ودايمًا بنسند بعض.. شكر كبير لكل واحد فيكم، على تعبكم وإخلاصكم وعلى كل لحظة قدمتوا فيها دعمكم وحبكم".

ووجهت مي رسالة إلى زوجها مخرج العمل محمد سامي، قائلة: "شكرًا ليك على صبرك وعلى نظرتك اللي كانت دايمًا بتشوف التفاصيل اللي ما حدش غيرك كان ممكن يلاحظها، وشكرًا إنك بتعرف إزاي تخرج مننا أفضل ما عندنا، وعلى إبداعك وتوجيهك في كل مشهد.. شكرًا إنك كنت قائد حقيقي لينا وخلّيت "إش إش" يبقى تجربة ما تتنسيش".

واختتمت مي تعليقها قائلة: "منتظرة بفارغ الصبر تشوفوا "إش إش"، وأتمنى توصل ليكم مشاعرنا بنفس القوة اللي حسيناها.. شكراً لكل واحد كان جزء من الحلم ده! وبوعد الجمهور إن شاء الله هيتفرجوا على مسلسل متعوب على كل شوط فيه.. مسلسل "إش إش" بإذن الله هيكون مسلسل بيحترم ذوق الجمهور".

مسلسل "إش إش" يضم مجموعة من النجوم البارزين، منهم: انتصار، ماجد المصري، إدوارد، عصام السقا، وإيهاب فهمي، وغيرهم من النجوم.

قـــد يهمــــــــك أيضــــــاُ : 

مفاجأة أغاني مسلسل مي عمر في رمضان 2025

حسن الرداد ومي عمر يجتمعان في فيلم جديد