ميار الببلاوي ترثي شقيقها على الهواء وتنهار من البكاء

انهارت الفنانة ميار الببلاوي في أول ظهور لها على شاشات التليفزيون بعد وفاة شقيقها، والذي وافته المنية يوم الإثنين الماضي، معربة عن حزنها الشديد لرحيله حيث قامت برثائه بقصيدة على الهواء أثناء تقديم برنامجها "أنا حوا". وقالت الببلاوي: "قالوا الخال والد.. قولت أخويا زيادة عن الناس..قال الصعايدة قلبهم جامد قولت أخويا كتلة من الحنية والاحساس.. رحلت يا ولد أبويا.. رحلت أوام مقولتيليش بس دا قضاء ربنا وادينا اهو صابرة ومبشتكيش .. غيرش بس الفرقة صعبة يا ضهري وسندي ". وأضافت: "شريط حياتنا قدام عنيا لما بيعدي.. وقفت الصورة قدامي صورة صورة كأنها في قلبي محفورة .. فاكر لبس العيد.. فاكر قسمة اللقمة بينا .. فاكر الكلام اللي محدش يفهمه غيرنا يا قليل الكلام يا شقيقي رافعة بيك راسي وسط الخلايق والكون".

وتابعت: "يا مليح الخلق والخلقة يا هايل في خلقاتك تلبس البدلة كأنك ظابط ووكيل نيابة وتلبس الجلبية كأنك عمدة والعمودية لحد بابك جاتك ..ويوم ما قالوا مت انقسم ضهري نصين". وكانت ميار الببلاوي قد أعلنت وفاة شقيقها عبر فيس بوك قائلة :"توفي إلى رحمة الله أخويا الغالي علاء، هموت عليك يا نور عين أختك، يا رب الصبر من عندك، انا لله وإنا إليه راجعون". وسبق وكشفت الفنانة المصرية عن أصعب أيامها في الحجر المنزلي وحظر التجول، الذي فرضته حكومة بلادها منذ أسبوعين تقريبًا، للحد من انتشار فيروس كورونا المستجد "كوفيد 19".

وقالت ميار في مقطع فيديو خصت به موقع "فوشيا": "أنا من يوم الإعصار والأمطار مش بنزل من البيت، ومن أصعب أيام الحجر المنزلي، لما روني القط بتاعي تعب وكان لازم يروح للدكتور". وأضافت الببلاوي: "رحت للدكتور مع والدتي وقالي كويس إنكم جايبين القط علشان تعالجوه، في ناس دلوقتي بترمي القطط والكلاب في الشارع علشان خايفين من فيروس كورونا". وتابعت: "قلت له معقول؟ّ!، فقال لي أيوة وروى قصة عن شخص ساب الكلب بتاعه وهو تمنه غالي جدًا، وربطه بسلسلة جنب مسجد وسابه ومشي".

وأردفت: "القصة دي وجعت قلبي أوي، مينفش نسيب الكلاب والقطط اللي اتربت معانا بالطريقة دي، أنا عارفة إن في ناس كتير قرأت البحث اللي بيقول إن الحيوانات دي بتنقل فيروس كورونا، الكلام ده على القطط والكلاب اللي في الشارع، والفيروس ممكن يكون موجود في رجليها، إنما حيوانات البيت إحنا الي ربيناها وهما الي سلونا في وحدتنا، مينفعش نسيبهم كده أبدًا".

وأكملت الفنانة المصرية: "ده يوم من أيام الحظر، ولكن كل أيام الحظر كويسة وبتعدي، أهم حاجة نفضل في البيت ومحدش ينزل خالص لحد ما البلاء ده يعدي على الخير". واختتمت: "الأسبوع ده هو أسبوع الحسم، لازم نعقم كل شيء، البيت والأغراض اللي بنجيبها من السوبر ماركت، ولازم نلتزم بالمسافات بينا وبين الي حوالينا، علشان نحمي نفسنا ونحمي غيرنا من الفيرو".

قد يهمك أيضًا:

ميار الببلاوي تطلب من جمهورها الدعاء بعد تدهور حالتها الصحية

ميار الببلاوي تبكي بسبب رسالة شامتة من زوجها السابق