ريهام سعيد توجه رسالة إلى جمهورها بعد إعادة برنامجها"صبايا الخير"

وجهت الإعلامية ريهام سعيد رسالة لجمهورها بعد الموافقة على إعادة بث برنامجها صبايا الخير، عقب أزمة الحلقة الخاصة بصيد الثعالب، وكتبت عبر حسابها بموقع "انستجرام": "على اد ما زعلت اني اتهاجمت واتجرحت كتير.. فرحت اوى ان ناس كتير بقت رحيمه بالحيوانات حتي لو مفترسه و خطر على البني ادم.. انا بعتذر علي اي مشهد في إساءة لاي حد و خصوصا الناس المهتمه بالرفق بالحيوان".وتابعت: "بعتذر اني تسببت في اي الم لاي حد فيكوا لكن لازم تكونوا متاكدين ان اشتغلت و اجتهدت وتعبت لمدة ١٨ سنة و اكيد مش محتاجه اي شهره ولا مشاهدة . الهدف الوحيد هو تقديم محتوي محترم صادق ومفيد . كنت عايزه اسلط الضوء علي مهنه الصيد الي موجوده في كل أنحاء العالم بمميزاتها و عيوبها حبيت أقدم الحقيقه وازود معلومة جديدة لان هي دي نيتي بس انا مش بشتغل في مهنة الصيد و لا يمارسها لكن هي موجودة".

وأضافت :"اي اتهامات انا هارد عليها الحلقه الجايه لكن المهم دلوقتى ان محدش يزعل مني لان اكيد كل الي اتقال ده مش حقيقي . انا عايزه اعيش في سلام و كفايه مشاكل.. نفسي الي بيهاجموا و عمرهم ما اتفرجوا علي البرنامج يبتدوا يتابعوا يمكن تشوفوا اد ايه بنتعب و اد ايه حريصين ان احنا نقدم احسن حاجه".واستطردت: "أنا أسفة مرة تانية والمرة الي جايه هاحط في الاعتبار ان ساعات الحقيقه ممكن تجرح بس طلب اخير لما تلاقوا غلط انصحوا و صلحوا و ماتجرحوش لان اكيد الي رحيم بالحيوان هايكون اكيد رحيم بالبني ادم الي هو ربنا حطه في اعلي مرتبه . انا انسانه و اكيد الحكم عليه انا و عيلتي بالإعدام كل شويه مش عدل خصوصا ان طول الوقت في سوء تفاهم و لكن بيكبر نتيجه المشاهده العاليه . بتعرض لهجوم وإساءة رهيبه من غير ما حد حتي يعمل اعتبار لاولادي او امي".واختتمت كلامها: "من دلوقتي لازم نفهم اد ايه احنا بنتشاف و لازم نكون اد المسؤليه و حتي لو لينا اعداء متربصين . امشي عدل يحتار عدوك فيك . وعد مش هانغلط تاني.. سامحوني".

قد يهمك أيضــــــــــــــــًا :

ريهام سعيد تنشر الجزء الثاني من حلقة "الثعالب"

المجلس الأعلى لتنظيم الإعلام المصري يُقرِّر إعادة إذاعة برنامج "صبايا الخير"