بعد دفاع فاطمة السقا عن أخيها , مها أحمد تصف هجومها بانه رأي لم تقصد به أحد

حساب منسوب لها، وجهت من خلاله رسالة قوية لنجمين بالوسط الفني لم تذكر اسميهما صراحة، وتحدثت حول كيفية تعاملهما معها رغم كونها ممثلة معروفة، وأبدت سعادتها بما حدث لهما في موسم رمضان الأخير. وجاء في منشور مها أحمد، على فيسبوك، ما يلي: «عوضي على الله دي الجملة اللي دايما بقولها لما اتصدم في أشخاص، الحكاية يا سادة نجمين عملا مسلسل واتنجمت عليهم بنوته لسه ألف باء تمثيل وأديتهم على قفاهم وركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم إن طول عمرهم مبيعملوش كده مع أي زميلة لهم أقربها أنا».

وتابعت: «النجم الأولاني بيني وبينه عيش وملح وزمالة رشحت فمسلسل بطولته وكان بيقنعنى بدور ولما وافقت بعتولي دور تاني معرفوش دور متعملوش واحدة مبتدئه المفروض إنه عارف قيمتي الفنية وعارف إنى إضافة له اتهرب مني وموقفش جنبي وباعني رغم إن الكل عارف إني زي اخته (ندل)». وأضافت: «أما التاني كان في بداياته يتمنى يسلم عليا ويقولي يا أستاذة نزلت من نفسي وقلتله مش هنشتغل مع بعض ما هي الحوجة مرة رد وقالي الدور بينادي صاحبه طبعا محكلكوش قد إيه ندمت نفسي وعشت أسود أيام حياتي عياط واكتئاب وقلت عوضي عليك يارب».

وأكملت :«تمر الأيام والاتنين يعلو ويتجمعوا مع بعض فمسلسل واحد (على عينهم طبعا) ويمثلوا وحش قوى تمثيل الكفار وطلعوا كمان مبيقروش اللي بيمثلوه وربنا يركب عليهم بنوته سنة أولى تمثيل وخبرة ويتحول المسلسل والدعاية الدراما كاملة لصالحها وهما (مخدماتيه للاستاذة)». واختتمت :«يمهل ولا يهمل ابدؤوا من جديد يا أوفر تمثيل ياللى مبتقروش ياكمبارس جنب النجمة. نصيحة بلاش تتشطروا على اللي كان بينكم وبينهم عيش وملح بلاش تتشطروا على اساتذتكوا. (عوضنا على الله) .يارب متحوجنا لحد حتى ولو كان أقرب الناس لينا».

و جاءت  تصريحات مها أحمد بعد رسالة قاسية وجهتهاوجهت فاطمة السقا شقيقة الفنان أحمد السقا، رسالة قاسية للفنانة مها أحمد ردا على وصفها لأخيها بـ"الندل"، واتهامها له بخيانة العيش والملح. وكتبت فاطمة السقا، عبر حسابها على موقع التواصل الاجتماعي "فيسبوك" منشورا جاء فيه: "الكلام ده موجه ليكي يا أستاذة، بدل ما تفضلي تمسحي ردي كل شوية.. أبهرتيني يا مها بأخلاقك العالية، وبأنك افتكرتى العيش والملح اللى كلتيه فى البيت بتاع الفنان اللى مش عارفة تقولى اسمه بس عرفتى تقولى عليه (ندل) اللى هو أحمد السقا.. بس أنا باقولك قدام الناس، قطع لسان أى حد يقول عليه كده لأنه راجل أكرمك ووقف جنبك أنت ومجدى بدل المرة ألف".

وتابعت: "وأمير كرارة برضو راجل جدع ومحترم للى ما يعرفهوش فى البوست بتاعك ده.. معرفش إيه الفرص اللى كانت عندك اللى كان يتمنى يشتغل معاكى فيها زمان، بس هو أى حد يتمنى يشتغل معاه دلوقتى أكيد.. وكلمة الدور بينادي صاحبه دى بتاعة أفلام.. ما بتتقالش فى الحقيقة.. كفايا دراما وتشويه للناس..
وبعدين هما كممثلين مش مطالبين يقفوا جنبك ولا يجيبولك أدوار على فكرة.. دى رؤية مخرج وناس بتوع كاستنج".

واستطردت: "الحقيقة أنا مش عارفة أنت عايزة إيه.. أنا مش شايفة بعد العشرة الطويلة اللى أنت قولتى عليها غير كمية الحقد والسواد والشماتة اللى كانوا متداريين ورا ابتسامة كدابة، معرفش أنت إزاى كنتى بتدخلى بيوتنا الصراحة وأنت ست وحشة كده". وأكملت: "نسيت أقولك السب والتطاول ده بيدل على الأصل.. وإحنا بقى ولاد ناس، مع أننا عندنا كلام كتير أوى يتقال".

قد يهمك ايضا

مها أحمد تحتفل بعيد ميلاد مجدي كامل

أحمد السقا يكشف تفاصيل شخصيته في مسلسل "نسل الأغراب"