رواد "تويتر" يدشنون هاشتاغ باسم "مقاطعة نجوم إف إم"

دشن عدد من نشطاء موقع التواصل الاجتماعي "تويتر" هاشتاغ باسم "مقاطعة نجوم إف إم"، وذلك عقب توقف برنامج الإذاعي أحمد يونس "عالقهوة" منذ 3 أيام، وأصبح الهاشتاج من الأكثر تداولا على "تويتر"، حيث قال يونس، "تم إيقاف برنامج عالقهوة من إذاعة نجوم إف إم منذ 3 أيام لأجل غير مسمى، والأسباب لا تختص من قريب أو بعيد ببرنامجي أو أدائي الإعلامي".
 
وعلق أحد النشطاء قائلًا "إحنا هنفضل زي مأحنا ومش هنتغير ولا الأخلاق الجميلة اللي أحمد زرعها فينا دي هتتغير، حتى لو البرنامج وقف، حد يا جماعة بيفتح الإذاعة دي إلا عشان يسمع يونس؟ إنتوا مجانين؟ هتفلسوا قريب".
 
وأضاف أحد المعلقين "برنامج اتعلمنا منه إزاي نفرح ونفرح غيرنا ونعمل خير، إدانا أمل في الدنيا، ومذيع اعتبرنا إخواته وهو أخونا الكبير ومعلمنا، هما مفكرين إن نجوم إف إم ليها لازمة؟ أنا مبفتحهاش غير عشان ع القهوة".
 
وكتب آخر "ع القهوة هي المدينة الفاضلة اللي عرفتنا على أحلي ناس في حياتنا، مش هنسيبها تروح ونضيع تعب سنين فيها، إنتوا فاكرينا مستمعين عاديين وهنسكت، لا ده إحنا قهوجيه تريبة المعلم يونس، إحنا هنخربها فوق دماغكوا".