هجوم عمرو مصطفى على شيرين بسبب تصريحاتها فى "المتاهة"

شن  الملحن عمرو مصطفى هجوما حادا على الفنانة شيرين عبد الوهاب ، بعد تصريحاتها المنتقدة له خلال حلقتها أمس الثلاثاء، ببرنامج المتاهة، الذي تقدمه وفاء الكيلاني، على MBC.

وقال مصطفى، عبر حسابه الرسمي بـفيس بوك "فعلا الإنسان لما بيكون طيب مع الأصوات الجديدة، لما بتكبر بتفتكر إنها وصلت وبتتجاوز حدودها، بس أنا مش هرد، أنا بس هقولك افتكري ريحة رجلك لما كنت عند الشاعر بهاء الدين محمد ونصر محروس، واتحايلوا عليا علشان أسمع صوتك بعد كده قالولى ممكن توصلها بس في طريقك لعباس العقاد، وسعتها رحت غسلت العربية من الريحة".

ولكن واضح أن عمرو شعر بتجاوزه تجاه شيرين فمسح التدوينة بعد ذلك بدقائق قليلة، وكتب آخرى ، قال فيه: "أنا قولت أفكرك بس أخلاقي تمنعني أني انزل المستوى المنحط" ، وبعدها وضع فيديو لشيرين بحلقة برنامج "المتاهة"، قائلا: "لا تعليق".

وقد هاجمت شيرين عبدالوهاب عمرو مصطفى في برنامج"المتاهة" وقالت عنه: "غير جيد حتى يصبح مطربا وله جمهور، بيقول إنى كنت هعمل فتنة لما مسكت جزمة في برنامج the voice، وهو أكتر شخص تسبب في الفتنة بعد التصريحات اللي قالها عن ثورة يناير، بس أنا مش هرد عليه عشان هو أصلا معندوش عقل ربنا يشفيه".
وأضافت: "أنا بكره عمرو مصطفى، ومبقتش بحبه، لأنه زعلني، وأي حد هيزعلني هحط صباعي في عينيه، وفي الآخر روح شوف إنت مين الأول وبتتكلم عن مين، وبعدين ابقى اتكلم".