والد الفنانة ياسمين صبري يكذبها وينشر صور خطوبتها وغرفة نومها

رد الدكتور أشرف صبري، والد الفنانة ياسمين صبري، على تصريحاتها عن علاقتها بأسرتها، والتي أكدت فيها أنه ليس هناك علاقة مع والدها نهائيا.

ونشر والدها صور من خطوبتها القديمة وقال:" بعد ما سمعت اكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن ابوها في ضهره؟

وأضاف "اصدقاؤنا كانوا بييجوا البيت بيشوفوها ولما كبرت جيبتلها عربية ياريت الناس اللي يعرفونا وجم بيتنا يردوا ويقولوا ياسمين كانت عايشة في بيتي ازاي في كل مراحلها وازاي اتخطبت وعملتلها أجمل حفلة ودي صورها.

وتابع: "الكدب ده يبرر بالنسبة لها سبب عدم حضورها فرح أخوها ولو أب اهتم بفرح ابنه وزعلان أن إخواته ماجوش مش حيهتم ببنته؟

وأكد :"انا وفرت لها حياة كريمة راقية ومحترمة وماكنتش فاكر إن الرد هيكون كده والسر اللي الناس ما تعرفوش أنها اتطلقت من الراجل المحترم الدكتور ده بسبب أمها لأنه حكالي وقالي أمها خربت بيتنا، واتجوزت من ورايا وبدون علمي بعد التربية اللي عملتهالها وعشان كده انا مش معترف بجوازها اللي من ورا ضهري ده.

وردت ياسمين في أحد اللقاءات الإعلامية حينما سئلت عن علاقتها بأسرتها: "أمي هي كل حاجة في حياتي.. سافرت خارج مصر بعد ما انفصلت عن والدي وأنا طفلة عندي سنتين".

واستطردت ياسمين صبري: "مشفتش طول حياتي غير أمي ووالديها جدي وجدتي.. أما الوالد فمفيش علاقة".

وأكدت ياسمين صبري، أن انفصال والديها ليس سبب بعدها عن أبيها قائلة: "في ناس تختار تحمل المسئولية وناس تختار نفسها والانفصال مش معناه إن العائلة تتفكك".

  قـــد يهمــــــــك أيضــــــاُ :

أحمد صالح يتولي مهمة إخراج مسلسل ياسمين صبري في رمضان 2022

ياسمين صبري تؤكد أن أحداث مسلسلها الجديد بعيد عن حياتها الشخصية