مى عز الدين تهاجم "MBC" بعد عرض مسلسلها على "مصر 2" فقط

عبرت الفنانة مي عز الدين عن استياءها الشديد من اختيار مسؤولي قنوات أم بي سي لقناة مصر Mbc 2 وذلك لعرض مسلسلها "وعد" مبررة سبب غضبها بأن الكثير من المشاهدين لا يعرفوا أن هناك أكثر من قناة ل Mbc مصر .

وكتبت عز الدين رسالة مطولة عبر صفحتها على موقع التواصل الاجتماعي الفيس بوك الذي يحمل اسم ميكا عز الدين قائلة : "أنا قضيت اليومين اللي فاتو بحاول أطالب إدارة قنوات Mbc مصر بزيادة إعادة المسلسل وعرضه على قناة Mbc مصر  كمان لأنه بيتعرض على
Mbc مصر 2 فقط ودي ناس كتير مكانتش تعرفها ولا منزلاها". 

وتابعت "أن المسلسل الوحيد اللي من إنتاج شركة تابعة ليهم وبالتالي كان من المنتظر الاهتمام بعرضه على قنواتهم الإثنين ومع ذلك مش راضيين يخلوه بيتعرض على القناتين بتوع Mbc  مصر وسايبينه على Mbc مصر 2 بس". 

وواصلت: "تمام وانا بقول لـ mbc قبلت المسؤلية وبإذن الله ربنا يكرم والقناة والمسلسل يتشافو والحمدلله فيه علامات باينة من كم الإعلانات اللي جه من بعد اول حلقة للمسلسل وغيره وانا هعتبره إمتحان ليا يعرفني قدري عند الناس وهل فعلا بيحبو مسلسلاتي أو لا ونسبة الجماهيرية اللي وصلتها ايه مع اني مهما كان ليا جمهور اكيد كنت اتمني اني اتشاف من الناس اللي مش من جمهوري لأن ساعات بتكون كا مشاهد ملكش في ممثل لكن لو قابلت حلقة لمسلسله بالصدفه وعجبتك بتقرر تتابعه وده في الاخر بيبقي خلاني كسبت مشاهد جديد بقي بيحب يتفرج علي اعمالي وده طبعا مش هيحصل السنة دي لأن مفيش حد بيبقي معدي وبيشوف القناه دي بالصدفة الناس لسه اصلا بتتعرف علي طريقها من خلالنا و بينزلوها".