العوضي وشقيق ياسمين عبد العزيز

الأربعاء ,04 آذار/ مارس2020 ، 18:06 بتوقيت القاهرة المحلي

مصر اليوم - العوضي وشقيق ياسمين عبد العزيز

الفنانة ياسمين عبد العزيز

القاهرة ـ مصر اليوم

بدأ وائل عبد العزيز الهجُوووَم على شقيقته بنشر إحدى المنشورات على صفحته على الفيسبوك قائلًا: "بصى يا ياسمين يا عبد العزيز يا أختى، أنا معاكى وفى ضهرك من وأنتى صغيرة شيلت مشاكل كتيًر بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتاذيت فيها إزاى وقضيته الشغالات مؤخرًا غير قضية الضرب اللى كانت بينك وبين بنت هشام سليم الممثلة اللى لبستيها التورتة فى وشها".

وأضاف شقيق ياسمين: "وقفت جمبك بكل ما أملك من قـ/ـوة أدافع عنك فى كل موقف صعب مر عليكى ونسيت حياتى ونفسى عشانك وبقى كل همى أنا ووالدتك، إنك تكبرى وتبقى نجمة فى مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللى ساندتك ووقفت جنبك فى طلاقك، لكن هنهرتل وتروحى تعرفى واحد أصغر منك بـ10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، من أمتى وإحنا بنعمل أعياد ميلاد وتنزل على السوشيال ميديا، من أمتى الناس بتجيب فى سيرتنا؟ ونقعد نتـُ؟؟ـعاكس على السوشيال ميديا؟.

وتابع وائل: "ومع ذلك حياتك وأنتى حرة فيها، أنا هتكلم على الشق اللى يخصنى، أنتى مقاطعة كل العيلة عشان تعملى اللى على مزاجك، إحنا دلواقتى وعايزين نفهم العلاقة دى إيه ورايحة على فين".

وأضاف: "أما بالنسبة للأخ اللى ماشى وراكى فى كل حتة وشايفك البيضة الدهب اللى هتفقسله كل يوم.. أحب أقولك يا راجل لما تيجى تدخل بيت تدخله من بابه يا راجل!! وتقعد مع رجالة البيت!!.. دى الأصول وده الاحترام.. وطبعًا لأنك عارف أنك مرفوض رافضًا باتًا فاعمرك ما هتعمل ده ومعندكش غير طريق الشمال اللى أنت سالكه من سنين مع بنات الناس!!.. أنا من رأيى كفاية عليك البطولة اللى أخدتها والعربية المرسيدس الهدية، وتركز فى شغلك وتسيبنا فى حالنا لأن طول عمرنا فى حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".

الفنان أحمد العوضي بادر بالرد على ما كتبه وائل عبد العزيز أيضًا عبر صفحته على الفيسبوك قائلًا: "انهى بيت اللى ادخله من بابه.. ان كانت هي اللى بتصرف عليه وعلى ابنك اللي مخبيه وراميه وهي بتدفعله مصاريف مدرسته.. باب ايه يا ابنى ادخله هو انا شفت راجل واقف جنبها.. دي واحدة انت مبتعملش حاجة غير أنك بتستنزفها هي ومامتها.. باب ايه يا ابنى الى هدخله من بابه واكلم واحد بيتكلم على عرضه ولحـ،ـمه قدام الناس.. يا ابنى انا من عين شمس منطقية شعبية اتربيت على ان الأخت والام والست الكلام عليهم من الكبائر.. عربية ايه يا ابنى انا اجرى الحمد لله يعيشني كويس ويجيبلي عربية حلوة وبيت كويس.. بمجهودي وشغلي مش على عرق واحدة ست.. باب ايه يا حبيبي اللي ادخله وانت أصلا عايش باسمها.. انا شقيت على حالي بعرقي.. لكن انت فشلت في كل شيء فشلت كممثل وفشلت كأب وفشلت كأخ وفشلت كبنى ادم".

لكن وائل عبد العزيز لم يتوقف عن الرد وبدأ بهجوم على احمد العوضي قائلًا: "ردّك متوقع جدا لان هو ده أسلوبك ومش هيتغير بس انا هرد عليك..

بالنسبه ان احد بيصرف علّيا عمرها ما اديتني جنيه في جيبي وأحب افكرك اني قاعد في بيت ايجار وراكب عربيه تويتا كنت جايبها قسط من شقايا واظن انت شوفتها ايّام مسلسل لاخر نفس لما كان معاك عربيه لانسر .. ويادوبك حوشت عشان اغير عربيتي قريب ..وحتي لو حد من اهلي ساعدني في وقت ضيقه انت مالك !! .. والا معندكش كلام تقوله !!!؟

اما الشغل الي انا فاشل فيه فا لو بتعتبر ١٧ جايزه اخدتهم في اربع سنين فشل فا ياريت تعرف تبقي فاشل زاي لكنك مش هتعرف للاسف ..ومش انت الي تحدد فشلي ونجاحي في اَي شيء لانك طالع علي رقبه الناس "

وتابع: "اما اختي فالمواقف والسنين الي فاتت هيا الي هتبين انا عملت عشانها ايه .. وكلمه اني طالع علي حسها كل الناس عارفه اني شقيت طريقي لوحدي من ١٥ سنه وعلي الرغم من ده فا انا عادي ابطل تمثيل من بكره قدام مصالح اختي.

اخيرا بقي .. ردّك ده علّيا اثبتلي انك ولا همك الانسانه الي انت ماشي تعاكـ؟ـسها في كل حته وعلي صفحات السوشيال وسيبت المهم وابتديت في تشويـ/ـهي ومفكرتش تاخد خطوه محترمه تجاهها الا انك جريت علي الترند وهتشتغل شغل قـ!ـذر لان ده الي يهمك "ترند" " دور بطوله " " فلوس " " عربيات".

"وبالنسبه للناس الي بتقول اني بتكلم علي موضوع ازي ده علي السوشيال ياريت تدخلوا تشوفوا صفحاتهم وتعرفوا ان الموضوع متعارف عليه للناس الا أهلها ..

ياسمين سالتني بعد الطلاق انها ممكن تحب وتتجوز وانا اول واحد قولتلها طبعًا حبيبتي ومن حقك وهبقي اول حد يفرحلك .. بس مش انت !! لاني اعرفك من سنين وعارف نواياك والأيام هتثبت صحه كلامي.

ونصيحه مني ليك لما تدخل علي ست متختارش وقت ضعفها وخروجها من طلاق ومشاكل لو فعلا بتفهم كنت بقيت صديق ينصح ويحافظ ويخاف لحد ما تبقي قويه تاني.. مش يتصور صور زاي دي يا محترم ..

واخيرا في ٥ اكونت باسمي علي فيس بوك وانستجرام معرفش عنهم حاجه .

وده اخر كلام عندي في الموضوع ده وهسيبه للأيام تكشف الحقائق".

يذكر أن مجموعة كبيرة من الفنانيين بدأوا بالهجوم على شقيق ياسمين عبد العزيز بسبب ما فعله تجاه اخته وقاموا باتهامه بنقص في الرجولة وأن ما فعله وائل ليس من شيم الرجال في شيء، وقام وائل بعدها بحذف منشوراته من على الفيسبوك.

وقررت ياسمين عبد العزيز كسر هذا الحاجز وهذه المشكلة ناشرة على حسابها على الانستجرام "بحبك يا أحمد"، ليرد عليها احمد العوضي بمبادلته لها نفس المشاعر.

قد يهمك أيضًا:

العوضي يشارك نجوم هوليود وبوليود في تحدي غطاء الزجاجة العالمي

أحمد العوضي يكشف موعد عرض فيلم "لص بغداد"