كزبرة يرد على سخرية محمد رمضان منه

رد المطرب كزبرة علي تصريحات الفنان محمد رمضان، والسخرية التي تعرض لها خلال الساعات القليلة الماضية.

وكتبت كزبرعبر خاصية "إستوري" قائلاً: "كلام مهم، أول حاجة الحمد لله على نعمة ربنا عليا وحبكم ورسائلكم الجميلة اللي بتوصلني ورد الفعل الجميل منكم على فيلم "الحريفة 2"، كلام كتير نفسي أقوله وأعبر بيه ليكم".

وتابع: "والله يا جماعة الكلام ده نفسي أقوله من بدري بس حاسس أن وقته، أنا مش عارف ليه كل ما أنجح في ناس بتحاول تطلع صورتي وحشة، أنا بجد نفسيًا مبقتش قادر وبقالي فترة كبيرة كل لما أعمل حاجة حلوة مبقتش عارف أتبسط بيها ونفسيًا مش أحسن حاجة، وربنا اللي عالم الواحد كل اللي يهمه أنه يقدم حاجة تعجبكم وتسعدكم".

وأضاف: "بس في ناس بتتعامل مع اللي بيقدم حاجة كوميدية على أساس أنه شخص تافه مش موهوب، والواحد عشان بيتعامل بطبيعته ومش بيتصنع بتحاولوا تشوفوا إزاي تطلعوا في عيب قدام جمهوره وإخواته اللي بيحبوه".

واستكمل حديثه قائلا: “زي ما بيتنسبلي كلام مقلتهوش أو يتقلل مني بحاجات قديمة عملتها وأحيانًا بتوصل للتريقة على اسمي بمجرد ما يعمل حاجة حلوة وتعجبهم، أنا مش عارف ليه وده السبب اللي بيخلي إنسان طيب أول ما ينجح يتحول لإنسان عنده نقص وعنده حرب مع كل اللي حوليه، زي ناس كتير نجحت وبقوا يتعاملوا بنرجسية عشان يعرفوا يتعاملوا مع الواقع”.

وأضاف: "أنا يا جماعة مش عايز أوصل للمرحلة دي، أنا عايز أبقى إنسان طيب وفي حالي واشتغل على نفسي وأقدم لكم فن يعجبكم ويبسطكم، هو ده هدفي فبلاش تتعاملوا مع الواحد بأسلوب هو مش حابه، وشكرًا لكل واحد بيدعمني من قلبه وأي حد بيحب اللي بقدمه أو حتى بينقده بأسلوب كويس، أنتم اللي تهموني وشكرًا".

وأختتم كزبرة قائلًا: "في الآخر في قصص نجاح ملهة كتير تستاهل الناس تتكلم عنها ممكن تفيد الناس أكتر من قصة أحمد بحر كزبرة، وإزاي وصل لهنا، وهكون أسعد كتير لو كان التركيز على شغلي مش على شخصي، سواء بالإيجاب أو بالسلب علشان أتعلم وأطور نفسي في اللي جاي".

وكان محمد رمضان أثار ضجة خلال حضوره منتدى السينما والتغير المناخي، حيث رد بسخرية على سؤال حول خلافه مع كزبرة، قائلاً: "إحنا مش في محل عطارة هنا"، مشيراً إلى اسم كزبرة بطريقة ساخرة.

وجاء هذا الرد بعد تعليق كزبرة على هامش حضور العرض الخاص لفيلم "الحريفة 2"، قائلاً: "حبيبي لو زعلان البحر هناك مليان".  

وقال كزبرة خلال تصريحات تلفزيونية: "محمد رمضان أخويا وأنا ببدأ حياتي.. وحبيبي لو زعلان البحر هناك مليان".

وأوضح موقفه من فرن والده بعد شهرته في الفن، قائلًا: "مقدرش أبيع فرن أبويا اللي ربتني ده أنا أعليها إن شاء الله".

قد يهمك أيضــــاً:

محمد رمضان يسخر من هذا الفنان ويردّ على انتقاد تقليد السادات

محمد رمضان يطرح أحدث أغانيه «برج الثور» بالتعاون مع افرو بي