كشف النجم تامر حسني عن مشهد كان يحلم أن يحدث معه منذ طفولته وتحقق بعد سنوات من العمل والإصرار. ونشر تامر حسني عبر حسابه بتطبيق Instagram فيديو قصير له وهو يحيى الجمهور على الجانبين ويمر من بينهم، وعلق كاتبا: "المشهد دا كان اكتر مشهد بحلم بيه من وانا صغير تقريباً كنت بشوفه كل شهر بأشكال مختلفه وكنت بسأل نفسي طب يارب انا هتشهر بالشكل دا والناس هتحبني كدا في اي مجال".

وتابع: ساعتها كنت بلعب كوره بس كان عندي اصابات كتير بدري على سني ومشاكل مع بعض المدربين اللي مقتنع بيا، واللي مش مقتنع بيا فا بيخليني احتياطي موسم كامل، ودا شيء محبط لإني كنت مصنف لاعب مهاري كويس، والموضوع دا اتكرر معايا في الزمالك والأهلي والإتنين استغنوا عن خدماتي، يعني زي ما تقولوا كدا في ظروف كانت بتتجمع عشان افهم ان الكوره مش مستقبلي رغم تعلقي بيها الجنوني، بس أتاري ربنا كان كاتب لي مستقبل تاني وأفضل ليا".

وأضاف: عرفت دا لما دورت جوه نفسي بجد بمساعدة أول معجب ليا أول fan في حياتي والوحيد اللي كان مصدقني و هي أمي، يعني مهم أوي انك تدور جوه نفسك عشان لازم هتلاقي ربنا مخلقكش فاضي وأتمنى من الأهل انهم يركزوا مع ولادهم في أصغر سن ليهم و يفضلوا دايماً يكلموهم عن الحلم و الطموح و النجاح ..بكتب الكلام دا و واثق مليون في الميه ان فيكم حد محتاج يسمعه و كان مستنيه الإشاره جت اهي مالكش او ملكيش حجة".

يذكر أن تامر حسني عرض له فيلم "مش أنا" مع حلا شيحة، ماجد الكدواني، سوسن بدر وغيرهم نخبة من النجوم. الفيلم تأليف تامر حسني ومن إخراج سارة وفيق.

قد يهمك أيضــــــــــــــــًا :

الفنان تامر حسني يعلق على اعتزاله لأسباب دينية

تامر حسني يروي كواليس مشواره الفني مع الإعلامية منى الشاذلي