حلّت النجمة نرمين الفقي ضيفة في برنامج "معكم" للإعلامية مني الشاذلي، المذاع علي قناة Cbc، وقالت خلال الحلقة: "دخلت مؤخرا عالم السوشيال ميديا وحسيت إن التواصل مع الناس حاجة لطيفة بس لازم يكون الواحد حذر جدا، لأن ممكن حد يقول كلمة مش كويسة".
وبسؤالها عن آخر رسالة تلقتها من معجب قالت نرمين الفقي: "تلقيت أغنية للمطربة نجاة الصغيرة، وهو إعجاب من طرف واحد ولكنه إنسان محترم جدا ورديت عليه شكرته".
وبسؤالها عن آخر مرة بوظت الرجيم قالت نرمين الفقي : "علطول الرجيم بيبوظ، المساعدة بتاعتي بتجيبلي محشي كرنب ومكرونة بشاميل، وأنا مش بقدر أمنع نفسي بضعف جدا قدامهم".
وبسؤالها عن أول وآخر عريس رفضتهما قالت نرمين الفقي : "أول عريس كان ابن الجيران ووالدتي رفضته عشان كنت لسه صغيرة، بس هو كان من عائلة محترمة في الإسكندرية، أما آخر عريس رفضته فبعتله ردي في رسالة وقلتله آسفة مش هاقدر أرتبط بيك، ورد قالي ميرسي علي ذوقك وأخلاقك وخلاص".

قد يهمك أيضــــــــــــــــًا :

نيرمين الفقي تتغزل في نفسها عبر انستجرام بإطلالة ساحرة

نرمين الفقي برفقة محمد رياض من كواليس مسلسل النمر