ردت الفنانة آيتن عامر على ما تردد بشأن تقليدها للفنانة سمية الخشاب، قائلة: لو فاكره إني بقلدها؛ تبقى غلطانة لأن دا محصلش ولا فكرت فيه .

وأضافت عامر خلال حوارها الاعلامي . أنا مش متابعاها علشان أعرف هي بتلبس ولا لأ مستحيل أقلد سمية الخشاب ولو كنت أتابعها كنت هعرف أنها لبست الفستان اللي قالت عليا إنيبقلدها بسببه ولا لا .

وتابعت: كان عندي تكريم في دبي ولآخر وقت مكنتش مسافرة بسبب تصوير لكن اتأجل وكلمت الإستايلس بتاعتي فقالتلي عندي فستانين جاهزين واختارت واحد منهم لقيته مناسب ليا ولسني فلبسته ولقيت سمية الخشاب بتقول أنا لبسته الأول الإستايلس بتاعتي لما بتتاعبع حد بتتابع الي بيعرفوا يلبسوا ونجوم ويعرفوا يتكلموا

كما قالت الفنانة أيتن عامر، إنها لا تخشى من الحسد ولا تصدق فيه رغم تحذير المقربين منها من الحسد، قائلة: أنا مش بخاف من الحسد ولا أصدق فيه واللي حوليا كلهم بيقنعوني أنه موجود وغلط، ولكن أنا بقول كل حاجة مكتوبة عند ربنا ومعنديش فوبيا من الحسد وعارفه إنه موجود .

وأوضحت عامر، خلال حواره ببرنامج حبر سري مع الإعلامية أسما إبراهيم، على قناة القاهرة والناس، أنها لا تنشر صور أبنائها على السوشيال ميديا ليس خوفا من الحسد ولكن لأنها

عانت في طفولتها من شهرة أختها النجمة وفاء عامر ولا تريد أن يعاني أبناءها من نفس الظروف.

وتابعت: مش بنزل صور ولادي على السوشيال ميديا عشان أنا عنيت من وأنا صغيرة من شهرة أختي فمش بنشر صور ولادي عشان ميتعرضوش لنفس المعاناة، وأنا كنت فى فترة عانيت من هذا وركزت فى دائرة الصحاب وعشان كده معنديش صحاب كتير .

ونوهت إلى أن شائعات إجراءها عمليات التجميل من أكثر الشائعات التي تحزنها، قائلة: شائعة عمليات التجميل من

أكثر الحاجات اللي بتضايقني واللي بيكتب كده بيصعب عليا، وأنا من الناس الصريحة ولو عملت عملية تجميل هقول .

وأضافت أن إجراء عمليات التجميل حرية شخصية وكل إنسان من حقه يعجب بنفسه في الشكل الذي يريد أن يظهر به، متابعة: دي حرية شخصية وكل واحد من حقه يعجب بنفسه في الشكل اللي عايزه ولازم نقول لكل واحده أنك جميلة وحلوة فى كل الاشكال .

وأشارت الفنانة أيتن عامر، إلى أن هناك الكثير من المواقع وصفحات اليوتيوب التي تختلق الشائعات من أجل زيادة الترافيك، مضيفة: الناس فاهمة هذه الشائعات ولحد دلوقتي الرقابة فين من المواقع وقنوات اليوتيوب دي، وبيعملوا حاجات يلموا من وراها فلوس ومش شايفة شخصيا إن فى حد مركز معايا .

قد يهمك أيضأ

آيتن عامر بطلة العرض المسرحي فى مسلسل "الرواية"

:آيتن عامر تحتفل بأغنيتها "بناقص" في انطلاق تصوير مسلسلها الجديد