أكدت الفنانة إلهام شاهين، إنها سوف تخوض السباق الرمضاني 2022 مع المخرجة كاملة أبو ذكري بـ مسلسل "بطلوع الروح".وقالت إلهام شاهين، في  “داخلة أصور الأسبوع الجاي مسلسل بطلوع الروح لرمضان، مع المخرجة كاملة أبو ذكري”.وتابعت قائلة: “مش عايزة أقول أي تفاصيل عن الشخصية لأنها هتكون مفاجأة شديدة للجمهور وليا أنا شخصياً، لو كان دور عادي كان ممكن أقول لكن عايزة الناس تشوفه في وقتها”.كما قالت الفنانة إلهام شاهين، عن الراحل سمير غانم، إنها كانت تجمعها به علاقة صداقة مميزة.

وأضافت إلهام شاهين، عن الفنان الراحل سمير غانم: "أحلى عشرة مع فنان عشت معاه أيام الشغل هو سمير غانم لأن المسرح غير الفيلم بيبقى تصوير شهر شهرين وكل واحد يروح في طريقه، والمسلسل كام شهر أما سمير أنا قعدت معاه على المسرح خمس سنين كل يوم بنتقابل ولفينا دول كتير مع بعض في مسرحية "بهلول في إسطنبول"، عرضنا في لبنان والكويت والإمارات، في الإجازات وطول السنة بنعرض في مصر".

وتابعت قائلة: "كنت هعمل المسرحية سنة واحدة لكن من كتر انبساطي بالشغل مع سمير غانم كنت بجدد العقد كل سنة، أكتر إنسان مسالم وفنان متجدد لدرجة إنه عنده إفيهات ثابتة وكل مرة بتضحك الجمهور لكن في أيام ميقولهاش عشان يقول أنا أجدد لنفسي واحس بالتغيير، فنان عبقري في الكوميديا، بالنسبالي أكتر فنان ممكن يضحكني من قلبي هو سمير غانم كان حالة مميزة جداً".

قد يهمك أيضــــــــــــــــًا :

إلهام شاهين ترد عن صلاتها بدون طرحة لأول مرة

إلهام شاهين تتمنى السلام لجميع الدول وتكشف عن أعمالها المقبلة