القاهرة ـ مصر اليوم
كشفت غادة عبد الرازق الكثير من التفاصيل التي تتعلق بحياتها الخاصة وتجاربها مع العلاج النفسي، لتتصدر بعدها الفنانة الشهيرة حديث منصات التواصل الاجتماعي ومؤشر محرك البحث جوجل.
وخلال حديثها مع الإعلامية منى الشاذلي في برنامج معكم حكت غادة عبد الرازق عدد من المواقف الطريفة التي مرت بها خلال رحلتها مع العلاج النفسي، كما تطرقت للحديث عن السبب وراء زواجها المبكر.
سبب زواج غادة عبد الرازق المبكر
وتطرقت غادة عبد الرازق للحديث عن زواجها المبكر وكشفت عن السبب قائلة: "كانت عقدتي إن نفسي أخرج، بابا كان قافل علينا جدا، وبعد ما توفي ماما كمان كانت قافلة علي جدا، وكان عندي وقتها 12 سنة، بينما يسرية كانت في الكلية".
وأضافت الفنانة الشهيرة متحدثة عن تجربتها مع الزواج المبكر: "تجوزت بدري عشان أتحرر، ونص الحكاية كان حب والنص التاني كان عشان أخرج، والد روتانا بنتي كان مع يسرية أختي في الجامعة واستمروا كلهم شلة مع بعض، فروحت معاها عيد ميلاد وأنا عندي 17 سنة، هو شافني وأتكلم معايا وقال بس هي دي البنت المناسبة".
وقالت غادة عبد الرازق إن ابنتها تحمل الجنسية السعودية لوالدها وولدت في مصر: "لما اتجوزت قعدت في جدة 5 سنين، كنت بروح وآجي وماما تجيلي مكنتش منعزلة عن أهلي".
أما عن انفصالها فقالت غادة عبد الرازق: "لما قررت الانفصال والدتي اتصدمت وتعبت وكانت خايفة ياخدوا مني روتانا، لكن باباها راجل محترم وكان الانفصال سلساً جدا، وقال مش أنا ولا عيلتي اللي أحرم أم من بنتها.. ماما كانت أول مصيبة ليها إني قولت لها إني هتطلق من والد روتانا، ولما قولت لها إني هتطلق أغمى عليها وهي بتصلي، وكانت مرعوبة إنه ياخد روتانا، وهو قالي مش أنا ولا عيلتي اللي نحرم أم من بنتها".
قصة مسلسل تحت الحزام حقيقية
وعن قصة مسلسل تحت الحزام والتي قدمت فيها شخصية الحماة الشريرة قالت غادة عبد الرازق إن الشخصية حقيقية والوحيد الذي كان يعلم التفاصيل هو طبيبها النفسي موضحة: "جبنا قصة مسلسل تحت الحزام، من دكتور نفسي والشخصية لسة عايشة لغاية دلوقتي، واللي حصل في المسلسل هو اللي حصل بالتفصيل والوحيد اللي يعرف ده الدكتور النفسي ومقدرش يبلغ عنها، ولسة لغاية دلوقتي عايشة مع ابنها وحفيدها، وهي مش مصرية".
وأوضحت غادة عبد الرازق سبب تعاطفها مع شخصية الحماة الشريرة في مسلسل تحت الحزام قائلة: "صعبت عليا الشخصية في مسلسل تحت الحزام إنها اتكسرت لأن حياتها كلها ابنها، والست اللي بتاخد ابن وحيد لازم تفكر في الأم".
كيف أثرت أعمال غادة عبد الرازق على حالتها النفسية؟
وعن تأثير أعمالها الفنية على حالتها النفسية قالت غادة عبد الرازق إن الكثير من الأعمال كان لها انعكاساتها على نفسيتها خاصة مسلسل الكابوس وحكاية حياة، وقالت النجمة الشهيرة: "حكاية حياة بهدلني خالص وقعدت حوالي 7 شهور مش عارفة أخرج من الشخصية، واللي دمرني بعده أكتر مسلسل الكابوس قعدت سنة علشان أخرج من الشخصية".
تجارب غادة عبد الرازق مع العلاج النفسي
وحكت غادة عبد الرازق تفاصيل تجارب لها مع العلاج النفسي قائلة: "بقالي 30 سنة بأخذ علاج نفسي... وده مش عيب... المشكلة إن فيه حاجات مهما حصلت مقدرش أقولها لأقرب الناس ليا ودي فايدة الدكتور النفسي".
كما تطرقت إلى بعض الحكايات الطريفة خلال رحلة علاجها وحكت موقفا كوميديا قائلة: "من فترة ذهبت لطبيب نفسي شهير جدًا، عشان كان عندي مشكلة... أول ما دخلت العيادة لقيت الدكتور قاعد بيلفّ بالكرسي طول ما هو بيسألني وأنا أجاوبه، وفي الآخر قلت له، إيه رأيك يا دكتور؟ لقيته كتب لي روشتة أدوية كتير، وقاللي خدي الأدوية دي لمدة أسبوعين وبعدين تعالي.. وأنا خارجة من عنده لقيته قاعد بردو بيلف بالكرسي".
قد يهمك أيضــــــــــــــــًا :