كشف الموسيقار عمر خيرت، عن عشاء عائلي جمعه بالفنانة الراحلة فاتن حمامة، وزوجها الدكتور محمد عبدالوهاب، كان السبب في وصوله وانطلاقه للجمهور.

وقال عمر خيرت خلال لقائه ببرنامج «معكم» الذي تقدمه الإعلامية منى الشاذلي: «في أحد فنادق القاهرة الشهيرة أواخر السبعينيات سيدة الشاشة العربية فاتن حمامة كانت تحتفل بعشاء عائلي بسيط بمناسبة عيد زواجها من زوجها من الدكتور محمد عبدالوهاب، بينما كنت أعزف بيانو بالصدفة في مطعم بنفس المكان فصافحتني فاتن حمامة وأعجبت بالموسيقى التي أعزفها».

أضاف: «جاءتني فاتن حمامة بعد عزف المقطوعة وقالت لي مخبي الحاجات دي فين أنا أعرفك من فترة، وإيه اللي أنا بسمعه ده، فقلت لها بحب أقول حاجات من دماغي فقالت لي واحنا ليه مش بنسمع الحاجات دي فقلت لها مش كل حاجة الواحد يقدر يعرفها».

تابع: «في الوقت ده انا كنت بحب الموسيقى وذاكرت الموسيقى بس هوصل ازاي معرفش الطريق أن الناس تعرفني وتسمعني، ولقيت فاتن حمامة بعد أسبوع بتطلبني في التليفون وعايزة تقابلني علشان تعرض عليا عمل موسيقي ومكنش لسه ليلة القبض على فاطمة، هي كانت بتلقي أشعار لكبار الشعراء وطالبة خلفية موسيقية لإلقاء شعرها ودي كانت حاجة جميلة عملتها وكانت قطرات الندى، بعد كانت انطلاقتي للناس والشهرة».

 

   قـــد يهمــــــــك أيضــــــاُ : 

عمر خيرت يحيي حفلتين بالمسرح الكبير بدار الأوبرا المصرية في ديسمبر

عمر خيرت نجم حفلات الليلة بمهرجان الموسيقي العربية