تداول نشطاء مواقع التواصل الاجتماعي، صورة لمتسولة خطفت طفلة رضيعة من مدينة طنطا بمحافظة الغربية، وعرضتها للبيع بمبلغ 20 ألف جنيه، مؤكّدين أن أهالي طنطا أمسكوا بالمتسوّلة التي عرضت عليهم بيع الطفلة، وأوسعوها ضربًا وأبلغوا الشرطة، التي احتجزتها.

ونشر النشطاء صورة الطفلة الصغيرة المعروضة للبيع حتى يتمكن أهلها من التعرف عليها، واستلامها، وكتبت الناشطة عائشة محمد "طفلة للبيع بــ٢٠ ألف جنيه في إخناواي، النهاردة كان فيه واحدة متسولة في إخناواي معاها طفلة ناس وقفوها وبيسألوها بنتك دي قالتلهم آه قالولها تبيعيها بكام قالتلهم هاتوا ٢٠ ألف جنيه وخدوها، ساعتها اتأكدوا أنها مش بنتها ومسكوها ضربوها، وبلغوا الشرطة وجت خدتها وهيا دلوقت مقبوض عليها في مركز طنطا، وطلعت خطفاها من ناس في طنطا ومش بنتها، ياريت الناس كلها تعمل لايك وشير علشان أهل الطفلة يشوفوا البوست ويروحوا ياخدو بنتهم اللي زمان قلبهم هيموت عليها"

وأضافت سارة "20 ألف يا... ما هيا مش من دمك ولحمك وحتى والله لو من دمك خلاص اللي زيك قلبهم مات"، وعلقت فرات الشيخ "لو اتقبض على كل الشحاتين واتعملتلهم عقوبة ومحدش ساعدهم مش هيعملوا كدا وهيتلموا"، ورد محمود حسن "اللي يمسك خاطف يقطعه"، وقالت سمر هشام إن "البنت جميلة الله أكبر عليها ربنا يرجعها بالسلامة لأهلها"