سخر رواد مواقع التواصل الاجتماعي من المتحدث باسم للجيش الإسرائيلي، أفيغاي أدرعي، بعد زعمه تحقيق إسرائيل النصر العسكري في حرب أكتوبر المجيدة في نهايتها، وهو ما جعله تحت نيران وقذائف رواد السوشيال ميديا.

وكتب محمد الغايش تعليقًا على أكاذيب إفيخاي، قائلًا: "لا صح كلامك صح وأكبر دليل إن سيناء لسه معاكم وخط برليف مدمرش ومحدش مات من عندكم ولا سلاح الجو بتعنا ظبطتكو ولا كنتوا بتجروا زي الفئران في الجحور ولا أميركا عملت جسر جوي لإنقاذ إسرائيل".

وأضاف مصطفى عبدالرحيم: "واضح أوي دموعك وقهرتك بين السطور يا فيخو ومن خلال هذا المنشور أتقدم بأجمل التهاني إلى أبي أطال الله في عمره، أحد أبطال حرب أكتوبر المجيدة، الذي قتل على يده مئات الصهاينة وكان تسليحه مدفع خفيف 45 درجة ".

وقال ضياء مجدي: "يا ترى احتلالكم للأراضي المصرية كان على أساس إيه؟؟ أرضكم ووطنكم ولا احتلال وتعدي على دول مجاوره يا مدعين السلام ..ولو كان لا قدر الله النصر حليفكم في 73 كان هيبقي شكل تاريخكم إزاي يعني كان هيبقي مكتوب فيه إنها أرضكم ولا كنتم هاتبقو واضحين مع أولادكم".

وتابعت أمل صبحي ميخائيل: "على فكرة فيه دكتور نفسي بيعالج التهيئوات ممتاز في مصر أعتقد محتاجة يا فيخوووو، صدقني نصيحة مخلصة علشان حسن الجوار ياض ده خدنا سيناء لأخر فتفوتة انتصار إيه اللي جاي تقول عليه اتعالج نصيحة".