شن إبراهيم حسن، مدير الكرة في فريق المصري البورسعيدي، هجومًا ناريًا على المستشار مرتضى منصور، رئيس نادي الزمالك، معربًا عن استيائه الشديد من التجاوزات التي يتخذها الأخير محتميًا في حصانته البرلمانية.

وقال "حسن" في تصريحات تليفزيونية "بقول للسيد عبد الفتاح السيسي رئيس الجمهورية أرجوك أنقذ الرياضة عاوزين رياضة نظيفة، حسام حسن تاريخ مصر ومثل مصر مع عظماء العالم وكان لوحده لا كان معاه رئيس اتحاد كرة ولا إعلامي، ورفع علم مصر في أوروبا".

وأشار مدير الكرة في المصري "إزاي رجل يبقي عضو مجلس شعب ويشتم بالأب والأم وترفع عليه قضيه ويقولك أنا عندي حصانة أين العدل، في أعضاء مجلس شعب بعضهم بنقول لهم إزاي تسيبوه كده قالوا لو رفعنا عنه الحصانة الدور هيبقي علينا".

وأكد "أنا ممكن أنزل مجلس الشعب عن بورسعيد وهنجح وممكن أنزل عن حلوان وأدخله مجلس الشعب، غلطة كبيرة أننا تركنا الأردن عشان نيجي ندرب الزمالك في عهد هذا الشخص".

وأوضح "كوفي اتضرب في بيت رئيس الزمالك علشان يمضي لأن كان هيبقي ساعات وعقده ينتهي مع الزمالك، يعني خلص مش حبًا في بورسعيد، ومحمد إبراهيم هو اللي اتعرض علينا ولكن مع احترامي لمجلس المصري، من رابع المستحيلات انتقال أي لاعب إلى الزمالك في عهد مرتضى".

وتابع "ابن مرتضى اتصل عليا مذلول علشان أخلي أبوه يدخل يدافع عن نفسه في أي قناة، وجايبين مجموعة محامين يترافعوا عننا في حوالي 7 قضايا واتفقنا أنا وجميع الرياضين والإعلاميين اللي اتأذوا بعمل لجنة وناخد موقف قوي رسمي عند النائب العام برفع قضية جماعية علشان ناخد حقنا من هذا الشخص"