وجه محمد عبد الجليل المدير الفني لفريق مصر للمقاصة رسالة تحذيرية للاعبي فريقه عقب الهزيمة من الأهلي بأربعة أهداف مقابل هدف.وقال عبد الجليل في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "أنا بحب العب لعب مفتوح وأهاجم أيًا كان بلاعب الأهلي أو الزمالك أو البرازيل".وتابع "لكن متوقعتش إن الحالة البدنية للاعبين هتقع بالشكل ده، لمايقع 7 و لا 8 لعيبة في الشوط الثاني مرة واحدة ومش قادرين يجروا في الملعب ده شيء غريب جدًا".وأضاف: "مينفعش تغلط قصاد الأهلي وده قولته للاعبين بين الشوطين، من نص فرصة هيعرف يشتغل، لو مش واقف على حيلك 90 دقيقة".وواصل "أنا قاعد في الأتوبيس مع اللعيبة أهو وبقولهم إلي مش هيضيف للفريق ويبقى مفيد الفترة الجاية مش هيكمل معايا وهياخد فلوسه في آخر الموسم عادي زي كل لاعب".وتابع: "لا أتحدث بنبرة يأس أو ما شابه، أنا مش أول واحد اتغلب ومش آخر واحد، لكن أنا مش جاي أدرب فريق بيلعب شوط واحد بس، أنا بسمع اللعيبة أهو إلي مش هيدوس على نفسه ويلعب المباراة بشكل جيد مش هيكون له مكان معايا".

قد يهمك أيضا:

الخطيب يهنئ لاعبي الأهلي بالفوز على الترجي
الأهلي يتغلب على الترجي وقنابل الغاز بسلاح محمد شريف