تحدث سيد معوض المدرب المساعد السابق للمنتخب المصري عن رحيل الجهاز الفني للفراعنة بقيادة حسام البدري.وقال سيد معوض في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "مكنش عندي صدمة من الإقالة، أي حد بيقرأ الأحداث من فترة كبيرة هيبقى فاهم إن الجهاز ده أيامه معدودة".وتابع "كان واضح أن الجهاز الفني مكمل وواقف على حاجة صغيرة لإقالته، في 3 أو 4 حاجات تخليك تعيش الواقع إنك مش هتقعد لفترة طويلة".وواصل "السبب الأول هو المهندس أحمد مجاهد، أنا بتبسط وأنا قاعد معاه وراجل محترم جدًا، لكن في أول حوار له بعد ما مسك اتحاد الكرة قال إن المدرب الأجنبي أفضل".وأضاف "السبب الثاني هو أن الجهاز الفني بشكل عام عنده مشكلة إعلامية، كاشخاص انا مثلا معنديش مشكلة مع الإعلام، الله أعلم السبب بس ده كان واقع، كان واضح إننا إعلاميا مش مقبولين".

وكشف معوض عن ثالث ورابع الأسباب قائلًا "السبب الثالث هو أن علاقة الجهاز بالإعلام أثرت على علاقة الجهاز بالجمهور، كل مشكلة بتكبر وكل حاجة عادية بتحصل بتكبر، عدم تقبل الجمهور من البداية، الجمهور كان قابل سيد معوض لكن كجهاز عامة، أما رابع الأسباب فهو عدد المباريات التي لعبها قوام منتخب مصر أهلي وزمالك وبيراميدز مديلك إيحاء إن اللعيبة دي مش هتعرف تمشي، فالأداء مش هيكون حلو، الي عنده خبرة 10% هيبقى عارف إن اللعيبة مش هتعمل حاجة".واختتم سيد معوض تصريحاته قائلًا "مع جهاز تاني مقبول جماهيريا واعلاميا كانت نقطة الأداء ممكن تعدي، لكن الـ 4 أسباب دي مش هتعدي".

قد يهمك أيضا:

حسام البدري يكشف إمكانية توليه قيادة نادي الزمالك

فيفا يقرر إقامة مباراتي منتخب مصر ضد ليبيا يومي 8 و11 أكتوبر