عقّب لاعب الأهلي السابق إسلام الشاطر، على فيديو خالد الغندور، الذي ينتقد فيه رمضان صبحي ويقول إنه كان يتمني من صبحي أن يقف علي الكرة في مباراة مالي التي انتهت بهزيمة المنتخب الوطني وخروجه المخزي من بطولة أمم إفريقيا المؤهلة لأولمبياد ريو دي جانيرو.
 
ونشر إسلام الشاطر، عبر صفحته على موقع التواصل الاجتماعي فيسبوك قائلًا: "شوفت فيديو (لإعلامي) بيتريق علي رمضان صبحي، ووقفته وبيقول: "هو ليه موقفش على الكورة مع المنتخب الأوليمبي "أنا رافض ما فعله رمضان تماما من وقوفه على الكرة في المرتين السابقتين، بس اللي لفت نظري انه بيتكلم علي رمضان ومش بيتكلم علي حد تاني في المنتخب الأوليمبي، طبعًا حيطلع جمهور الأهلي ويرد عليه ويقولوا لأنه بينتمي لنادي الزمالك كان ممكن يتكلم مثلا على مستوي كهربا أو مصطفى فتحي بس محصلش".
 
وتابع، "عارفين أيه اللي حيحصل بعد كدا حيطلع حد من الإعلاميين الذين ينتمون للنادي الأهلي ويرد ويتريأ علي لاعبي الزمالك اللي كانوا مش موفقين مع المنتخب الأوليمبي وتبقى معركة جديدة ما بين جمهور الناديين الكبار، والدنيا تولع ويا عالم أيه اللي ممكن يحصل بعد كدا، وطبعا الناس حتنسي مهزلة المنتخب الأوليمبي وكله حيتلهي في المعركة الجديدة، أرجو من جمهور الناديين ألا ينساقوا وراء هذا الكلام علشان مثل هذا الكلام هو الذي يسبب الفتنة ما بين جمهور الناديين، زي ما حصل بالضبط مع راعي النادي الأهلي وما أثير من تفاهه بالنسبة للموضوع دة".