أكد حسام غالي نجم النادي الأهلي، أنه اتخذ الطريق الإداري وسيخوض انتخابات النادي الأهلي المقبلة، متمنيًا أن يكون في قائمة محمود الخطيب، مضيفًا سأخوض انتخابات الأهلي المقبلة وشرف كبير لي أن أكون في قائمة محمود الخطيب، وهو قدوة لنا في كل شيء ويا ريت أكون زي محمود الخطيب".

وأضاف الكابيتانو، "أهل الشر يحاولون تصدير وجود مشاكل بيني وبين محمود الخطيب كل فترة مش عارف ليه، ولكن عمرها ما حصلت ولا هتحصل، مؤكدًا أن الخطيب رجع مبادئ وقيم النادي الأهلي بعدما كان الأهلي دخل في فترة بدأ يتوه فيها ولكن عادت بقدومه بقوة وعدنا إلى أسس النادي الأهلي".

وتابع غالي، "مش سهل أي حد يلبس تيشيرت النادي الأهلي ويتحمل ضغوطاته، وأي لاعب مش هيقدر يفضل حياته ومشاكله عن التمرين لن يستطيع أن يؤدي المطلوب منه، وأي مدرب بيحب يفوز ولو شاف أي لاعب ممكن يكسبه لازم يلعبه، فاللاعب لازم يكون تمرينه 100% ولازم يكون على استعداد ويحرج المدرب، ومفيش حاجة اسمها لاعب مباريات ولاعب تمارين، اللي مش بيدرب كويس مش هيلعب كويس".وأضاف  "أبارك للأهلي وجماهيره على الميدالية البرونزية وشرفتوا مصر كلها والكرة المصرية بعد مجهود كبير جدًا طوال مشوار البطولة".

وتابع غالي، "الأهلي حظه وحش بمواجهة بايرن ميونخ في نصف النهائي، ولو كانت القرعة غير كدة كان لعب على الذهبية وكسر رقم الأهلي السابق، وإن شاء الله الأهلي يلعب الموسم المقبل تاني في كأس العالم ومنبعدش عن هذا الحدث الكبير عالميًا".وأوضح غالي، "جمهور الأهلي عمل للبطولة حس وشكل، ولولا جماهير الاهلي مكانتش البطولة طلعت بالشكل الجميل ده، وجمهور الأهلي دائمًا في ضهر الفريق في كل مكان وهو اللاعب رقم 12".

وتابع "مروان محسن من اللاعبين الرجالة جدًا وبيتمرن كويس جدًا، لكن الكرة مش ماشية معاه ماتش اتنين موسم كاملًا مفيش مشكلة، ولكن عمره ما بخل بأي نقطة عرق على الفريق وأي لاعب نفسه يسجل ويكون في أحسن حال".

قد يهمك ايضا

ليفاندوفسكي يقتل المباراة بالهدف الثاني في شباك الأهلي

ظهور متواضع للأهلي وبايرن ميونخ يتقدم في الشوط الأول