علق محمد مجدي «أفشة»، لاعب النادي الأهلي، على لحظة غضبه بعد استبداله في مباراة سيراميكا كليوباترا، التي انتهت بفوز الأحمر بأربعة أهداف مقابل هدف.

واستبدل  مارسيل كولر، المدير الفني للأهلي، «أفشة» في الدقيقة 71 من مباراة الأهلي وسيراميكا كليوباترا، و شارك بدلا منه حسين الشحات.

واعترض أفشة، على المدير الفني السويسري أثناء ذهابه لدكة بدلاء الأهلي، وحاول، محمود كهربا، مهاجم الفريق الأحمر احتواء غضب اللاعب.

وكتب «أفشة»، عبر موقع التواصل الاجتماعي «انستجرام»: «حابب أوضح حاجة، عشان للأسف بعض الناس هتبدأ تتداول حاجات وتفسر حاجات مش مظبوطة، أنا إمبارح بعد التغيير كنت زعلان جدًا جدًا من نفسي وكنت حاسس إني محبط ومعملتش حاجة للفرقة، خاصة إني بدأت الماتش وكنت حابب يكون ليا إضافة».

وأضاف: «أيام اللعيب أو الرياضي عمومًا بيبقى فيها حاجات محبطة زي كده، أنا حتى نشرت إحصائية فيها صفر صناعة فرص وصفر تسجيل، عندي أفضل من كده أكيد».

وأتم: «مصدرش مني أي شيء ناحية الجهاز الفني اللي طبيعي يغير ويبدل واللاعب لازم يحترم قراره تحت أي وضع، وحتى الكابتن خالد بيبو، في لحظتها قلتله مفيش أي حاجة وقعدت وهديت.. معلش لحظة غضب وراحة لحالها وإن شاءالله الجاي أفضل».

  قـــد يهمــــــــك أيضــــــاُ : 

الأهلي يرفض العروض الخارجية لضم أفشة ورضا سليم وبيرسي تاو

أفشة ينتظم فى تدريبات الأهلي بعد انتهاء أزمته مع كولر