وجه الإعلامي أحمد موسى نقدًا شديدًا للكاتب الكبير محمد حسنين هيكل، قائلًا: "هل الأستاذ هيكل مقدس فوق القانون والنقد؟".

 

وأضاف موسى، في برنامجه على قناة "القاهرة والناس": "هل يليق بالأستاذ هيكل إن حد ينتقد سيادته يطلب وقف برنامجه، هل الأستاذ هيكل فاكر إن احنا في عزبة، هل الأستاذ هيكل يبيح لنفسه أن يتحدث عن الآخرين وأن ينتقد الجميع ولما حد ينتقده يقفل البرنامج؟".

 

وأضاف موسى: "الأستاذ هيكل كان قبل 2011 يخرج أسبوعيًا على القناة إياها يهاجم كل الدولة المصرية.. محدش قرب له خد مليون دولار ومحدش سأله إيه الحكاية طالما بيدفع عنهم ضرائب، الأستاذ هيكل النهاردة لما بيخرج في قنوات وصحف ووسائل الإعلام يشتم الجميع وينتقد الجميع ويهاجم الجميع، عايز الناس بس تصفق للأستاذ هيكل ومحدش يقرب له؟ هل الأستاذ هيكل فوق القانون وفوق النقد؟".

 

وتابع موسى: "هل الأستاذ هيكل مثلًا مقدس محدش يقربله؟ ولما حد يقربله يطلع الناس بتوعه نحانيح كثير أوي منهم ناس بيدفعلهم فلوس عشان يهاجموا.. مع احترامي لحضرته، أستاذ هيكل ليس أهم من أي حد، الأستاذ هيكل لما يخطئ لازم نقول له قف يا أستاذ هيكل، علمتنا حضرتك كدة وإن مش عيب النقد وإن حرية الرأي مكفولة للجميع".