قال الإعلامي محمود سعد، اليوم الخميس، إن ثورة 25  يناير 2011 هي "ثورة عظيمة وليست فوضى كما يزعم البعض"، مؤكدًا أن الفقر لن يختفي من مصر، لكننا نريد أن يختفى الاحتياج، حسب تعبيره.
 
وأضاف سعد، خلال برنامجه "آخر النهار"، عبر فضائية "النهار"، "الحكومة تنتقد الشعب باستمرار، طيب لو مش عاجبكم الشعب أرموه في البحر وهاتوا شعب غيره، مفيش حاجة اسمها أن الناس مش عايزة تشتغل، طبعًا الناس عايزة تشتغل وعايزة تبقى مؤهلة للشغل، كل شعب عايز يبقى أفضل، والمصريين في عمومهم عندهم طموح".
 
وتابع: "المشكلة في الفساد المنتشر، البلد مليانة فساد، اللي موجود أصلًا قبل مجيء هؤلاء المسئولين، عشان كده هم مش مسئولين عنه، أما إذا استمر فيكونوا مسئولين عن عدم مقاومته، عندما أقول ربنا على اللي يؤذي الشعب.. وحد يزعل، يبقى هو متصور إن الكلام عن نفسه، أنا بتكلم عمومًا".