استفز الإعلامي عمرو أديب - مقدم برنامج " كل يوم" - الكاتبة الصحفية الناصرية فريدة الشوباشي بعد حديثه عن نكسة 67 .

وقال "أديب" في برنامجه المذاع على قناة "ON E" : "النكسة زي الفل .,. هو فيه زي النكسة؟ .. ياريت يجيلنا نكسة تانية" .

و ردت "الشوباشي" قائلة: "مسمهاش النكسة إنما اسمها هزيمة فاحنا نزلنا هزمناها .. لو مكناش نزلنا في 9 يونيو 1967 وهزمنا الهزيمة مكانش بقى فيه حرب استنزاف .. أنا نزلت مع ملايين المصريين وقولنا لا هنكمل وهنكافح وهنهزم إسرائيل وهو دة اللي خلانا عملنا حرب استنزاف .. وعبد الناصر مش مسؤول عن الهزيمة دة مسؤول عن إنه أدانا الأمل في النصر ".

و رد "أديب" : "هو نفسه قال إنه مسؤول عن الهزيمة .. وقال أنا غلطت وبتنحى " .. و ردت "الشوباشي" : "يقول .. احنا بقى كنا عارفين مين اللي عايز يشيله ".