نشبت مشادة بين الداعية السلفي سامح عبد الحميد ، والنائب زينب سالم ، على خلفية قول الأول إن المرأة لا تصلح للعمل كوزيرة أو نائبة . وقالت زينب سالم خلال استضافتها في برنامج "العاشرة مساءً" الذي يقدمه الإعلامي "وائل الإبراشي"، "أنا مش جاية أتكلم بندية مع هذا الفكر .. أنا جاية أبين إن المرأة قادرة والمجتمع بيتغير وإن احنا عندنا معركة أهم من هذا الفكر لو حد شايفه فكر ؟ .. عشان كدة أنا مش جاية أتكلم في الشرع والدين إذ ربما هو يقتنع إن المرأة ليها دور .. أنا عاوزة اسأله .. هو حضرتك بتشتغل ايه؟".

ورد سامح عبد الحميد قائلًا: "أنا مدقق لغوي .. يعني عندنا دار للتدقيق اللغوي بحيث نصحح الأخطاء في رسائل الماجستير والدكتوراة .. فكراني قاعد بشوي درة مثلا ؟ .. بتسأليني سؤال زي دة ليه؟ " .. فردت "زينب سالم" : "عشان أشوف حضرتك يمكن مجالك يسمح بالنقاش" .. ضحك الإعلامي وائل الإبراشي بشدة ، قائلًا: "طب ما أنت بتعرف تقول نكت أهو يا شيخ سامح .. ابتسم بقى وخلي فيه بشاشة يعني".

و واصل "سامح عبد الحميد" سخريته قائلًا: "يعني هكون ببيع سبح مثلا؟ .. بشتغل في الأوتوبيس؟" .. وردت "زينب سالم" منفعلة: "لو هتريأ أنا ممكن اتريأ بس أنا بسأل حضرتك عشان أشوف ممكن تساعدنا في البناء والتنمية ولا لاء" .. فرد "عبد الحميد" : "وانتي بتزعقيلي كدة أنا خوفت كدة".