عاتب الإعلامي يوسف الحسيني رئيس الجمهورية عبدالفتاح السيسي، بسبب سقوط قتلى وجرحى نتيجة للاشتباكات التي وقعت بين جماهير الزمالك وبين قوات الأمن بمحيط استاد الدفاع الجوي.

وأضاف الحسيني، خلال برنامجه "السادة المحترمون" على قناة "أون تي في"، موجهًا حديثه للسيسي، "قالولك إن اللي معهوش تذكرة هو اللى مات، طب واللي معاه ومات؟ طب ما تدخلوا العيال يشجعوا، طب مأنتوا دخلتوهم يوم ماتش الأهلي، وحصلت قبل كدا في ماتش منتخب مصر".

وتابع الحسيني "يا ريس أنا عايز أخليك تشوف فيديو لفرد من الأمن مش عارف هو ضابط ولا أمين شرطة، وهو بيضرب من سلاحه، بس الطريقة مش طريقة ضرب غاز يا ريس، العيال دي ذنبها في رقبتك يا ريس".

وواصل الحسيني "نفترض إنهم عملوا شغب جوه الملعب ونزلوا الملعب، هيحصل وقتها مواجهة أمنية، بس الفرق بين المواجهة داخل الملعب وبين اللي حصل بره الملعب، هما إنهم حطوا المواطنين اللي انتخبوك جوه قفص فراخ من الأسلاك الشائكة يا فندم".