علق الإعلامي عمرو أديب، على الفيديو الذي نشره الفنان محمد رمضان بعد صدور حكم تغريمه بـ 6 مليون جنيه لصالح الطيار أشرف أبو اليسر.

قال “أديب” خلال حلقة أمس الجمعة من برنامجه “الحكاية” عبر شاشة “mbc مصر”: “فيديو مستفز جدًا لشعب مصر، شيء مستفز في بلد فيها الناس بتطفح الكوته علشان تجيب رزقها، يعني النعمة دي متفرقش معاه.. كأنه بيقول الفلوس متفرقش معايا في حاجة”.
نرشح لك: إلزام محمد رمضان بتعويض 6 ملايين جنيه للطيار أشرف أبو اليسر

أضاف: “الأستاذ نمبر وان أثار حفيظة عدد كبير من الناس اللي بتحبه، الراجل ده بقى عدو نفسه.. متفهمش دماغه بقى فيها إيه، أنا عاوزه بس يشرحلي إيه الفكرة؟ يا أخي لو الفلوس متهمكش اتبرع بيها لحد”.

أردف: “يا نمبر وان انت مش ملاحظ إن بقالك سنة بتعمل مصايب؟.. على فكرة مش انت بس يا محمد اللي عندك فلوس، فيه ناس عندها فلوس أدك 100 مرة بس مبيعملوش كدة، ده بطر يا ابني واللي ادهالك قادر يسحبها منك”.

استطرد: “الناس اللي انت استفزتهم دول هما اللي عملوك، لأن انت جزء كبير منك صناعة سوشيال ميديا، إيه المانع إنك تعتذر للناس؟.. اللي كنا فاكرينه موسى طلع فرعون، اهدى وارجع لعقلك وبلاش غرور، ناس كتير أعظم منك وضاعوا في ثواني.. لسة قدامك وقت ترجع محمد رمضان بتاع الناس والشعب والغلابة”.

اختتم: “شوف النهاردة أخوك خالد النبوي لما اتقال انه عيان مصر كلها واقفة على رجل، عشان بنحترمه وبنحبه ومقدرين موقفه وحياته إنما ده مش موقف بني أدم مثقف”.

قد يهمك أيضًا :

خيري رمضان يعلن أن عمرو أديب يعاني من ألم شديد في الظهر

لميس الحديدي تؤكّد أن عمرو أديب يشعر ببعض الآلام