أكد مقدم برنامج "كل يوم"، الإعلامي عمرو أديب، أن الرئيس عبدالفتاح السيسي قصد شخصًا معينًا حين تحدث عن "الفاسد" الذي يجب منعه من كرسي الرئاسة، وقال في برنامجه المذاع على قناة  "ON E": "دلوقت الرئيس واضح جدًا ودة استنتاج مش معلومة إنه يتحدث عن شخص بعينه .. أنا مبحبش ألعب معاكم وبتكلم بصراحة .. يتحدث الرئيس عن شخص بعينه أو أكتر من شخص بعينهم لكن الرئيس لا يتحدث في المطلق .. لكن ناس كتير قالوا إن مش من حق الرئيس إنه يمنع حد .. هذا صحيح .. ليس من حق الرئيس أن يمنع أحدًا ولكن وهو ممثل للدولة .. الدولة دورها أن تمنع فاسدًا .. يعني وقت المرحوم عمر سليمان كان فيه مشكلة في الورق بتاعه فجت الدولة قالت دة مينزلش ".

وأضاف أديب: "دي مشكلة صعبة .. مش المشكلة إنك تجيب 25 ألف توكيل .. المشكلة في التوزيع الجغرافي بتاعهم يعني لو أنت فيه محافظة معينة مجبتش فيها الرقم تسقط أو متعرفش تقدم وأنا أظن إن دي مشكلة لناس كتيرة من اللي بتشتغل على موضوع التوكيلات .. دة دوره إن هو كمسؤول عن الدولة إن الدولة تقدم ليا أنا كمواطن مصري إنسان نظيف ليس حراميًا ليس كل هذه الأشياء".

وأردف أديب: "الريس كان بيتكلم على حد بعينه أو أشخاص بعينهم لكن في الآخر هو شغلته أو احنا نحاسبه ونقوله حضرتك أغفلت أو غضضت الطرف عن إنسان عنده مشاكل .. عشان مجيش بعد كدة أقولك دة عنده قضية كذا أو دة كان بيسرق كذا أو بياخد عمولات كذا أو بيعمل كذا .. أو عنده حاجة جهاز ما مسيطر عليه بيها يعني عنده شيء يكسر وجوده في هذا المنصب أو يتم ابتزازه به .. كل هذه الأشياء هامة جدًا ".