فاجأ شاب من مدينة المنصورة ,خطيبته المصابة بمرض السرطان,بتحديد موعد زفافهما رغم إصرارها على فسخ الخطوبة بعد علمها بمرضها

وقال رضا مصطفى مهندس "هي لسه بتتعالج من المرض وفي نهاية علاجها، لكن إحنا راضيين ببعض وحابين نساعد بعض لحد ما تكمل شفاها على خير بإذن الله".

ورفض رضا الابتعاد عنها موضحًا "لو كان أنا اللي جالي المرض متأكد إنها عمرها ما كانت هتسيبني يبقى لما أعرف إنها تعبانة أسيبها مينفعش ومفيش راجل مسؤول ممكن يعمل كده".

وتابع:"أخبرنا الأطباء شهر ديسمبر/كانون الأول عام 2017 أنها مصابة بسرطان في الدم، كان إحساس صعب أوي إني أشوف حب عمري فرحتها اتكسرت قدام عيني كنت لازم أفضل جنبها وأساعدها في التغلب على أي مشاعر خوف مسيطرة عليها، رغم أنها صممت تفسخ الخطبة بس أنا رفضت وحتى هذه اللحظة هي لسه خايفة وعندها تحفظات بس هفضل جنبها لحد ما تتعافى".

وقرر رضا, مفاجأة خطيبته وتحديد ميعاد الزفاف من دون علمها لرغبتها الدائمة في تأخير ميعاد الزفاف، قائلًا" كانت بتترعب من فكرة تحديد ميعاد الفرح فقررت إني أحجز كل حاجة وحددت الميعاد وعزمت الناس ونشرت عبر مواقع التواصل الاجتماعي".

عجز الشاب الثلاثيني، عن وصف شعور حبيبته: "شوفت في عينيها فرحة كان بقالي كتير جدًا مشوفتهاش ودي أكتر حاجة أسعدتني وكمان أهلي كانوا مبسوطين جدًا من قراري بالزواج".

قد يهمك ايضا : لحظة خطف عروس وإجبارها على الزواج من رجل غريب

                  سيدة تطلب الخلع بسبب رفض زوجها "الطلاق" رغم معرفته بحبها لشخص آخر