علقت الفتاة "آية" التي اثارت مواقع التواصل الاجتماعي على تحذير رواد "فيسبوك" لها من خطيبها قائلة " ما الخطوبة الأولى اتعملت علشان تتفكرش.. معروفة يعني"، وهو ما وجد تجاوبًا كبيرا معها بعد انتشار قصتها على "فيسبوك" وتفاعل الكثيرين معها.

وكان حساب يحمل اسم حسناء الديباوي نشر على موقع "فيسبوك"، تحذيرًا إلى فتاة تُدعى آية، من حيلة يدبرها خطيبها لها دون علمها. وقالت حسناء في منشورها، "إلى آية القاطنة في مدينة العاشر من رمضان وخطيبك من طنطا، وبيشتغل في العاشر، وبكرة هيروح معاكي فرح بنت خالتك.. خطيبك قاعد دلوقتي ورايا في الميكروباص في طريقه للعاشر، وبيتفق عليكي مع واحدة اسمها (ريهام) عشان يسيبك ويخطبها، بس بيشوفوا طريقة عشان ترجعيله الشبكة وغالبًا هيقولك إن عنده أزمة مادية، وعايز ياخد منك كمان 15000 جنيه فلوس الجمعية اللي هتقبضيها أول الشهر". وتفاعل عدد من المستخدمين مع المنشور، وحصل على نسبة كبيرة من المشاركة وصلت إلى 3 آلاف مرة، وتم الإعجاب بالمنشور حتى لحظة النشر إلى 7500 مرة.