طلبت "عبير" الطلاق من زوجها بعد 3 أعوام زواجا، لمعاناتها من أعمال المنزل وتربية طفلتها الوحيدة، كما ذكرت، وأضافت: "جايب لأمه شغالة وأنا مطحونة في شغل البيت".

وتقول "عبير" أثناء حديثها: "بعد ما اتجوزنا بسنة المشاكل زادت لأني مش عارفة آخد بالي منه مع شغل البيت اللي مابيخلصش وزادت المشكلة لما أنجبت طفلتي الوحيدة بعدها بقت أشوفه صدفة".

حاولت الزوجة الثلاثينية إقناع زوجها بضرورة إحضار "شغالة"، للتخفيف من أعباء المنزل، لكن كان الرفض هو الرد الذي استقبلته "عبير"، من زوجها.

وتابعت: "لما طلبت منه يجيب لي شغالة زي أمه رفض وقال لي إنتي بتقارني نفسك بأمي وضربني، حسيت إن الحياة بينا بقت مستحيلة بس استحملت علشان خاطر بنتي".

وجعلت المشاكل والخلافات المتكررة واعتداء بالضرب أمام الطفلة التي لم تتعدّ عامها الثاني الزوجة تقرر للمرة الثانية الطلاق: "كان بيفضل أمه علي أنا وبنته في كل حاجة غير مشاكلنا اللي مابتخلصش فكان الطلاق هو الحل الوحيد علشان أحافظ على نفسية بنتي من الخلافات المتكررة".

قد يهمك أيضاً :

مصري يطلب تطليق زوجته بسبب "رائحتها الكريهة"

ثلاثينية تطلب الخلع من زوجها بسبب تعذيبها بالكهرباء