تقدم 4 فتيات ممثلات عن حملة مجندة مصرية في الإسكندرية، بأوراقهن للتطوع في الجيش المصري، وقالت جهاد الكومي، إحدى المتطوعات، على صفحتها على "فيسبوك": "النهاردة رحت أنا وبنات زملائي ممثلات عن حملة مجندة مصرية نقدم أوراقنا للتطوع في الجيش المصري"، متابعة "من أول ما دخلنا والناس مستغربانا جدًا ويقولولنا ممنوع ! المكان دا للشباب بس".
 
وأكملت جهاد، "العقيد هناك استقبلنا بشكل محترم جدًا واتكلم معانا وقدمناله الطلب، قولناله إن دا نابع من حبنا لبلدنا وأننا كمان عايزين نشارك، وأن كلنا معاكوا وإحنا عارفيين كويس جدًا أن جيشنا قادر على تخطي أي صعب وأي تحديات ودا مش تقليل منه أبدًا بالعكس لأن وقت الحرب الشعب كله جيش، وأننا جاهزيين في اي وقت للاستدعاء وللشهادة".