أعلن الفنان الكوميدى أكرم حسنى تعاونه مع المخرج الكبير شريف عرفة في فيلم سينمائي جديد، لعرضه العام المقبل 2020.   وروى حسني قصة تأثره بالمخرج شريف عرفة منذ أن كان طالبا فى كلية الشرطة، وقال: "أولى كلية الشرطة وكان فى فترة التدريب الأساسي (45 يوما مابنخرجش من الكلية) مخصصين يوم في الأسبوع بعد انتهاء زيارة الأهالي للطلبة لمشاهدة فيلم سينمائي في إحد مدرجات الكلية للترفيه عن الطلبة، وطبعا ده كان جايلي عالطبطاب لأني بحب السينما من صغري.. أول يوم عرض كان فيلم الإرهاب والكباب إخراج الأستاذ الكبير شريف عرفة".   وأضاف حسني عبر حسابه الشخصي على إنستغرام: "عمري ما هانسى الخطفة اللي اتخطفتها يومها من الفيلم وتأثيره عليا وإزاي قدر الأستاذ شريف كمخرج عبقري إنه يوصل لي الإحساس ده والانبهار ده بكل عناصر الفيلم، ومن وقتها بدأت أركز مع السينما وأتناولها بمفهوم تاني، وطبعا كان من رابع المستحيلات وقتها إني أتخيل أي شىء ممكن يربطني بهذا المخرج العبقري أصل إيه اللي هايربط ظابط بمخرج غير انى اشوفه في لجنة أو كمين وأعبرله عن إعجابى بيه".   قـــد يهمــــــــك أيضــــــاُ  
هبه مجدى تكشف عن مخاوفها من تقديم الشر في "ولد الغلابة"
نهال نبيل تُشارك بهاء سلطان "دويتو" مسلسل "ولد الغلابة"