استنكر فرقة المهرجانات "المدفعجية"، قرار نقيب المهن الموسيقية هاني شاكر، بوقف التعامل مع مغني المهرجانات ومنعهم من الغناء نهائيا، وتحذير كافة المنشآت السياحية من التعامل معهم، وذلك في بيان على صفحه الفرقة على موقع التواصل الاجتماعي "فيس بوك".

وجاء في البيان: "إحنا المدفعجية، من ساعة ما بدأنا وإحنا بنطور في المزيكا، لفينا مصر بيها ولفينا العالم بيها وفرحنا الناس في أفراحهم وحفلاتهم حتي اللي بيسمعنا في العربية، إحنا وغيرنا بيفرحوا ويتبسطوا، عمرنا مازعلنا حد وهنكمل بيكو وليكو ولسه عندنا كتير".

وأضاف: "ناس كتير طلعت اتكلمت وهاجمت وقالوا علينا اللي مش فينا وشتموا فينا احنا كلنا متعلمين وجامعين وأهلنا ربونا على الاحترام والتقدير والأصول إحنا ضد أي حد يقول كلمة غلط في المهرجان، مش بأيد الغلط بس المفروض اللي يغلط يتحاسب، لكن التعميم غلط في حد ذاته".

وتابع: "مثلا لو حد قتل احبسوا هو وعائلته وصحابه؟ التعميم غلط مش صح واحنا كمدفعجية مكملين ومش هنوقف غنا احنا ورانا شعب مش جمهور وهنكمل بيكو وعشانكوا وكل حد فرحناه عارف الكلام ده كويس المهرجان اكبر قاعده جماهيرية في مصر وعمر ما هيموت".

وواصل: " شكرا لجمهورنا اللي بيساندنا ودايما في ضهرنا وشكرا ليكوا أنكم دايما في ضهرنا وانتوا السبب في شهرتنا ووجودنا وبيكو مكملين".

وقد يهمك أيضًا:

أول تعليق من حسن شاكوش على قرار هاني شاكر بمنعه من الغناء

كشف بأسماء مطربي وفرق المهرجانات الممنوعين من الغناء