أطلّت النجمة الكبيرة نجاة الصغيرة في ظهور نادر، لتتحدث عن حالتها الصحية الاَن وإمكانية عودتها للغناء من جديد وسبب ابتعادها عن الساحة الغنائية طوال هذه الفترة، وقالت في مكالمة هاتفية للإعلامي عمرو أديب في برنامجه "الحكاية": "أحب أطمئن جمهوري لأنه عزيز وغالي، وبصراحة أنا بعرف أغني مش بعرف أتكلم".
وتابعت: «أمضي أوقاتي بالاستماع إلى الموسيقى لأن الموسيقى هي الحياة بتاعتي، وبسمع الموسيقى اللي اتعلمتها من الكبار أوي أوي السيدة أم كلثوم، وعبدالوهاب، وكنت محظوظة وفي نعمة لأني تخرجت من جامعتهما لأنهما مثل الجامعة التي تحصل منها على دكتوراه مش مجرد مدرسة، وكنت محظوظة جدًا إني تواجدت في الوقت اللي كانوا موجودين فيه وبحمد ربنا إني كنت موجوده في الوقت ده وتربيت على أعمالهما».
وقالت عن سبب غيابها عن الساحة الغنائية: "مابعملش حاجة عشان أنا المجموعة بتاعتي مش موجودة دلوقتي، ولكن بحاول، وفي صعوبات العازفين يعني أو مفيش الملحن اللي ينفع للحاجة اللي بتمناها، لأن ليا طريقة في اختيار الأغاني مش موجود تنفيذها دلوقت، وبحاول إذا قدرني ربنا هقدم حاجة قريب".
يذكر أن النجمة نجاة ظهرت مؤخرًا جالسة في الشارع وقد أخفت وجهها عن المارة بعدما تعرضت عمارتها في الزمالك لبعض التصدعات نتيجة حفر مترو الأنفاق لكنها رفضت الكشف عن هويتها للمارة في الشارع وفضلت أن تكون متخفية.

قد يهمك أيضــــــــــــــــًا :

الفنانة نجاة الصغيرة في مهرجان كان السينمائي

صلاح الشرنوبى: أغنية "تعظيم سلام" مشروع قائم فى انتظار نجاة الصغيرة