قال الرئيس عبد الفتاح السيسي، "في كل حتة فيكي يا مصر أنا بلاقي فيها أمور مش مضبوطة، بس أنا مش عاوز أزعل المصريين وأخليهم يشيلوا الهم".

وأضاف الرئيس في مداخلة هاتفية مع الإعلامي عمرو أديب، في برنامج "القاهرة اليوم"، المذاع عبر فضائية "اليوم": "البلد كانت بتنهار في 2011،  يعنى بقايا دولة، وأضاف: "انتوا عايشين جواها بس مش عارفين يعنى إيه دولة بجد بكل ما تحمله الدولة، فضلت تتساب وتتساب، وبالمناسبة مش من 30 سنة عشان تكونوا عارفين".

وقال السيسي: "البلد دي أتسابت 50 سنة، وهذه تداعيات 50 سنة، منذ 67 حتى اليوم، كانت أشلاء دولة في 2011، وكادت تنهار تمامًا لولا ستر ربنا، والآن نحاول إعادة بنائها مرة أخرى".