شارك المخرج محمد سامي جمهوره بصورة له مع زوجته الفنانة مي عمر، حرص فيها على الرد على الانتقادات التي تعرضت لها مي بشأن دعمه لها بمسلسلها الجديد "لؤلؤ"، الذي عرض على قناة "ON E".

ونشر سامي صورة له مع زوجته، عبر صفحته الرسمية بموقع تبادل الصور والفيديوهات الشهير "انستجرام" وعلق قائلًا: "دى صورة ليا أنا ومى من 11 سنة، كنا بنفكر فأحلامنا ومستقبلنا وبنتمنى حاجات كتير، ربنا أدانا أكتر منها كمان".

وتابع: "عشان حاجة مهمة بعد كرمه وعطاءه، عشان بجد بنحب بعض وبنساعد بعض طول الوقت في تحقيق أحلامنا، بيتهيألي أني صعب كنت أنجح فى شغلي، من غير دعم ومساندة مى ليا طول الوقت، الدعم ده حاجات كتير قوى، محتاجه مليون بوست عشان تتكتب كلها".

وأضاف: "النهاردة أنا وهي بنحتفل بنجاحها اللي تعبت فيه، واشتغلت عشانه كتير، ووفقت بصعوبة بين بيتها اللي مخلياه جنة ليا أنا وبناتي، وبين أهلها وحياتها وشغلها، وفي الأخر نجحت نجاح كبير يفرح بيها كل محب، ويثير غيرة وحقد الكارهين".

وأنهى حديثه قائلًأ: "مبروك حبيبتي، وبنتي ومراتي الغالية، ودايمًا ناجحة ومتفوقه، وتحية لكل ست ناجحة، وعارفة توصل لنجاحها رغم واجبتها تجاه أسرتها".

قد يهمك ايضا

الجمهور يهاجم صناع مسلسل لؤلؤ بعد الإعلان عن تحضير الجزء الثاني

مي عمر تُعبر عن حبها لتجربة الغناء في مسلسل "لؤلؤ"