أعلنت الإعلامية ريهام سعيد اعتزال السوشيال ميديا، موجهة رسالة مؤثرة عبرت فيها عن إحساسها بأنها ستموت قريباً على خلفية إيقاف برنامجها مشيرة إلى أنها تتعرض للسحر.وأشارت ريهام سعيد في رسالة لها عبر صفحتها الرسمية على فيسبوك أنها قررت الابتعاد لقضاء وقت مع أطفالها لأنها تشعر بأنها ستموت قريباً، وعلقت: "أقسم بالله كل حرف هكتبه صادق ومن قلبي، أنا حاسة إني هموت قريب عشان كده هبعد عن السوشيال ميديا عشان أقعد مع أولادي أكتر وقت ممكن خصوصا ابني الصغير، يمكن سحر يمكن اكتئاب ويمكن حقيقي".

وقالت إن شعورها بالظلم يجعلها تموت بالبطيء: "في يوم من الأيام الدنيا قامت عليّ عشان تعلب أما المعراج وإنكارها عادي، تامر أمين يغلط في الصعايدة قاصد أو مش قاصد يتوقف 3 شهور لكن أنا أعمل أكبر حملة للسمنة وأعالج آلاف وعمليات ببلاش ويفتروا عليّ ويقولوا إني قلت إن ريحتهم وحشة وأتوقف سنة".

وسردت ريهام سعيد ما حققته خلال فترة عملها في برنامج صبايا الخير،قائلة: "كفاية إننا عالجنا أعداد مهولة من الشباب من المخدرات ورحت أماكن خطر جدا عشان أوعي الناس بدل ما أتكرم ألاقي نفسي نايمة في أوضه متر في متر مع تاجرة مخدرات. البرنامج يتوقف، أطفال تموت ومدرسة ذوي الاحتياجات الخاصة اللي فاتحينها تتقفل وتطلع ريهام أفاقة وكدابة".

وأكدت ريهام سعيد أنها لن تسامح من ظلمها قائلة: "لو فضلت أحكي هاحكي كتير بس أنا موجوعة ومش قادرة أحكي أنتو ظالمين بتمشوا بكلمة من غير ماتشوفوا ولا تفهموا. عندي كلام كتير أقوله على كمية مواقف فيها ظلم رهيب، لو مت أنا مش مسامحة، مش مسامحة أي حد قال عليّ كلمة واحدة مش حقيقية أو على السمع، مش مسامحة أي صحفي كتب عني كلمة ظلم، مش مسامحة أي واحد كتب كومنت موت بيها أطفال القلب".
ريهام سعيد تكشف تعرضها للسحر

وأوضحت أنها تتعرض للسحر قائلة: "كفاية إن أي حاجه الإعلام بيتكلم فيها دلوقتي أنا متكلمة فيها من 10 سنين، هانزل قبري مش مسامحة  مشً مسامحة ولا هاسامح، مش مسامحة اللي بتسحرلي كل شوية، مش مسامحة ، مش مسامحة أي حد ساهم في خراب بيتي وضياع مجهود سنين، ومش مسامحة أي حد أنا معرفوش ضدي وبيحاربني وأنا مش عارفة".

وتابعت: "كلمت ناس كتير يساعدوني أحقق حلمي وأمثل، مش عايزة أقولكوا الرد، وناس ياما وقفت جنبهم. كل دور أعمله المخرج يقول لي إنه هايكسر الدنيا بس هي ماشية بالشطارة؟ أنا عايزة أقولكوا إلى اللقاء يمكن لمًا أخف لو عيانة يمكن لما أتعالج من السحر لو مسحورة يمكن في الجنة بإذن الله لو مت. ما تظلموش حد لأن أنا بعد ما تعبت أوي أوي ظلمتوني أيوه حتى لو ليّ أعداء أنتوا ساعدتوهم".

وأنهت ريهام سعيد رسالتها قائلة: "ما توجعوش حد تاني، إحساس الظلم مميت، إحنا كنا البرنامج رقم واحد في المشاهدة في الوطن العربي 10 سنين والسابع على العالم وتعبنا أوي أوي أوي أوي. قدر الله وما وشاء فعل، حقي عندك يا رب. في الآخر السيرة أهم من السمعة لأن السمعة دي الحاجات اللي بتسمعها وماشفتهاش وهي مش حقيقة لكن السيرة دي اللي موجودة في كل بيت فيكي يا مصر، دي سيرة معاملتك للناس والحاجات اللي ربنا جعلني سبب إني أعملها وهو ده المهم. بعد ما أموت ماتقولوش دي بتمثل إنها ماتت زي ما كل مرة كنت بعيا فيها الصحفيين كانوا بيطلعوني كدابة. حسبي الله ونعم الوكيل".
ريهام سعيد تهاجم منتقديها

وكانت ريهام سعيد وجهت رسالة مطولة على حسابها الشخصي على موقع التواصل الاجتماعي فيسبوك لمنتقديها قائلة: "حسبي الله ونعم والوكيل في كل مفتري وفي كل أفاق ساهم أنه يقضي علي مجهود ناس استمر لسنين طويلة".وتابعت ريهام سعيد: "حسبي الله ونعم الوكيل في كل واحد ساهم أنه يصدر فكره غلط عني وعن شخصيتي،  حسبي الله ونعم الوكيل في كل واحد جاب سيأتي عشان يشدني لمشكلة وأطلع في الآخر بتاعت مشاكل لما يكون ليه رد فعل، حسبي الله ونعم الوكيل في كل واحد غلط فيه من غير سبب عشان كل ذنبي أني نجحت".

قد يهمك أيضــــــــــــــــًا :

تأجيل محاكمة ريهام سعيد لاتهامها بالتنمر على حسن شاكوش لجلسة 14 نوفمبر

نظر دعوة الإعلامية ريهام سعيد ضد حسن شاكوش اليوم الخميس