كشفت النجمة السورية أصالة كواليس إعداد ألبومها الجديد "لحقت نفسي" المقرر طرحه بأول شهر أكتوبر المقبل، ويضم 12 أغنية، مؤكدة أن كل أغنية منه كانت بمنزلة مشهد من المشاعر عكفت هي وحبيبها وزوجها فايق حسن على صياغته شعراً وموسيقى، وأكدت أنها غابت طوال الفترة الماضية لتتفرغ فقط لتسجيل أغنيات الألبوم بطريقة تعبر عن مشاعرها، ونوهت بأنها ستطرح أولاً 6 أغنيات فقط.

أصالة نشرت البوستر الأول عبر حسابها بموقع تويتر وعلقت عليه بتغريدة طويلة قالت فيها: «بقدملكم لكم كل الاوقات الحلوه المليانة محبة وصحبة وعمل دؤوب لإنجاز مشاهد من مواقف من مشاعر».
وتابعت أصالة: «أغاني بتحكي عني وبتحكي عنكم.. عشنا أنا وحبيبي شريكي وصديق الروح فايق أيام طويلة بأماكن كتيرة لنرسم كل صورة وكيف لازم تطلع بأحلى وأطيب ما يمكن»

وواصلت قائلة: «لا بد أشكر كل صديق عزيز موجود اسمه بالأغاني الستة اللي رح تسمعوها، وبعد وقت قليل رح أتبعهم بست أغاني بتقديم مختلف».
وأضافت: «وشكراً لأخي وسندي انوس وفريق كبير معه بيساندني وبيفكر لي..وشركة كبيرة مجتهده رائدة بالموسيقى وكتير من باقي الفنون بيتي الحنون (روتانا) وكل اللي فيها يشتغلوا بحب وبتحس إنهم ولاد الشركة الكبار.. وإدارة أعمالي صديقي طوني سمعان موجود معي بكل صغيرة وكبيرة وكل عيلتي اللي رأيهم بيهمني وكل أصحابي اللي برروا غيابي وقد مااشتاقوا لي اشتقتلهم».

وقالت أصالة: «الموسيقى وطن رح ننضم إله أنتوا وأنا لنسمع نفس الحكاية بذات الوقت.. ما بخفيكم خايفة وكأني أول مرة رح قدم لكم أغاني.. كتير تعلقت بكل أغنية غنيتها ويمكن فيه أغاني عدتهم أكتر من عشر مرات وبكل مرة كنت عم دور على ست أنا بعرفها والقصة قصتها وعندا شخصية ضروري تكون حلوة والجمال اللي بشوفه فيها بتمنى تشوفوه مثلي بتمنى الأغاني تخللي أوقاتكم حلوة».

واختتمت تقديمها لألبومها الجديد قائلة: «كل المحبةوكل الامتنان على أيام كتيرة ساندتوني فيها وقويتوني وفيكم كبرت.. هلا أنا عم رد محبتكم بمحبة بموسيقى بإخلاص بالإبقاء على الالتزام اللي من خلاله بدينا سوا وكبرنا سوا وكلنا محبين الفن وأهله..اللي عم قدمه بطريقتي لوطني الغالي ( الموسيقى) هو أحلى وأغلى ما عندي بفضل الله..ورح أحكي تباعاً عن كل أغنية على حدة.. حبايبي راح يكون باول أكتوبر بين إيديكم بعض من روحي على شكل أغاني ومثل ما بدينا مكملين».

قـــد يهمــــــــك أيضــــــاُ : 

أصالة توعد جمهورها بألبوم مصري من أحلى ما عملت

أول تعليق من اصالة بعد الصلح مع احلام "بتجنن"