علقت صفحة "أسف يا ريس"، المؤيدة للرئيس الأسبق حسني مبارك، عن قول الرئيس السيسي في خطابه "تسهيل بيع الأراضي لرجال الأعمال لتحقيق مناخ جيد للاستثمار"، بقولها "يعني الرئيس مبارك يا شعب مصر مكنش بيسرق وبيبيع أراضي الدولة لأصحابه من رجال الأعمال؟، يعني مبارك مكنش حرامي؟ يعنى السيسي بيعمل نفس اللي كان بيعمله الرئيس مبارك أهو"، بحسب الصفحة.
وذكرت الصفحة، أنّ "لازم الشعب يفهم، إنه لو مكنش مبارك عمل كدة (تسهيلات لرجال الأعمال) عن طريق إعفائهم من الضرائب وتوصيل المرافق العامة وتخفيض أسعار الأرض.. مكنش هيبقى عندك كل القرى السياحية والفنادق والمنتجعات اللي موجودة في شرم الشيخ والساحل ودهب والعين السخنة اللي بتدخل لمصر عملة صعبة وبتوفر فرص عمل للشباب"
وتابعت: «ما فيش رجل أعمال هيحط ملاين ومليارات في صحرا وشوية رمل.. ولأن ما فيش شاب لسه بيبدأ حياته هيكون معاه القدرة المالية اللي يقدر يعمل بيها مشاريع وإصلاحات هتتكلف ملايين".
تهكمت الصفحة على من قالت إنهم أدعو أن "مبارك حرامي"، مؤكدة "شايفك يا للي كنت بتقول على مبارك بيسرق أراضي الدولة وبيبعها.. ومازال التاريخ يحكم".