أكّد الرئيس عبد الفتاح السيسي، أنه لا حل أمام مصر فيما يتعلق ببناء سد النهضة سوى بالحوار والنقاش، مضيفًا أن هذا يأتي في ظل تراجع القوة الشاملة للدولة، مشيرًا إلى أنّ "حل موضوع سد النهضة بالحوار والنقاش، خاصة في ظل تراجع القوة الشاملة للدولة، عارفين إيه هي القوة الشاملة، هي القوة العسكرية، القوة تراجعت دلوقتي عن ذي قبل، عشان كده احنا بندعم ونشتري معدات، ودي مش عشان نهدد بيها حد، هي لحماية بلدنا وللسلام، خاصة في ظل الأوضاع اللي بنعيشها، ليبيا الفناء الخلفي بتاعنا، أي حد في مكاننا طبقًا للحسابات السياسية والاستراتيجية هيقوم بعمل هناك، إحنا معملناش طب ده معناه اننا قصرنا في امننا القومي، لا، إحنا قلنا انه لن نسمح بأي تهديد لنا".

وأضاف السيسي أنّه "أدرنا موضوع سد النهضة بتفهم، هما عاوزين يبقى عندهم تنمية وعاوزين يعيشوا، ويعملوا كهربا واحنا تفهمنا، بس قلنالهم مش هنمس المياه واتفاق 2015 كان لحماية حصة مصر، وأكدنا حصة مصر لا يتم المساس بيها، ويبقى مفيش ضرر من المياه اللي هيتملي بيها السد عشان متضرش مصر، نجحنا في التعامل مع ملف سد النهضة بشكل كبير، قلنا ليهم زي ما بنراعيكم لازم تراعونا".