أغاني مهرجانات صاخبة و رقص شعبي وتصفيق حاد حتى الـ 6 صباح اليوم، هكذا كانت احتفالات بعض الشباب داخل أحد زوايا المساجد بمنطقة حدائق القبة، ببداية العام الميلادي الجديد، وهو ما أثار غضب وإستياء السكان، بسبب عدم احترامهم للمقدسات الدينية وتدليسها، وتحويلها إلى مكان للاحتفال بأعياد رأس السنة، وما زاد من احتقانهم أيضاً أنهم دخلوا إلى الزاوية بالأحذية.

«حرام عليهم هي دي البداية الجديدة اللي هيقابلوا بها ربنا مفيش إحترام لمقدسات ولا مكان ربنا أبداً دي زاوية الناس بيصلوا فيها يعني لها احترامها زي الجامع ونص السكان بيخافوا يتكلموا مع شوية الشباب دول»، بحسب مريم سامي، إحدى السكان، وهؤلاء الشباب قاموا بالاحتفال برأس السنة الجديدة منذ 12 بعد منتصف الليل بالأمس، حتى 6 صباحاً، دون احترام للسكان كبار السن أو المرضى، وقاموا بتشغيل الأغاني الصاخبة وأصوات «الدي جي» بصوت مرتفع، ورغم الازعاج الذين تتسببوا فيه للسكان، إلا أن غضبهم الحقيقي بسبب عدم احترام المقدسات الدينية واستخدامها بهذه الصورة السيئة: «اللي ضايقني أن في عز ما بتكلم وبزعق من البلكونة بتاعت بيتنا أنهم يقفلوا الأغاني ويخرجوا من زاوية المسجد مش كل الجيران كانوا متفعلين ومحدش بيتكلم وسلبيين جداً».

ومن ضمن مظاهر إحتفال هؤلاء الشباب أيضاً، تشغيل «الدي جي» والرقص أمام الزاوية واستقطاب المارة والأطفال بالشارع حتى الصباح: «ده غير أن كان طالع منهم ريحة مخدرات وشرب سجاير وحاجات وحشة جداً ومؤذية في بداية لسنة جديدة عايزين ربنا يكرمنا فيها».

سارة محمد إحدى السكان، التي شعرت بغضب شديد بسبب مشاهد الاحتفال السيئة من بعض شباب المنطقة: «دي أول مرة يحصل الاحتفال بالشكل ده طول الوقت بنسمع الناس بترقص وتغني في الشارع ونقول مبسوطين لكن يجي على زاوية اللي تابعة للمسجد ويعملوا كده حرام وقلة دين وقلة حياء وعدم احترام ومفيش حد يجي يقولهم اللي بيعملوا ده حرام» وبحسب «سارة» فقد اعتبرت ماحدث بداية سيئة لعام جديد.

قد يهمك ايضا

تكثيف الحملات التفتيش في المحافظات لإلغاء احتفالات رأس السنة في مصر

محافظ المنوفية يشدد على إلغاء احتفالات أعياد رأس السنة