خلال لقائه ببرنامج "في البوكس"، الذي يعرض على "فيسبوك" كشف الفنان أحمد فهمي نجم فريق "واما"، عن رأيه في أصدقائه بالوسط الفني، إضافة إلى السبب الرئيسي الذي دفعه للزواج المبكر.وقال فهمي عن أصدقائه في الوسط: "كريم فهمي هجاص شوية وبيقلش شوية بيخليك تاخد عنه انطباع أنه بيصدق اللي بيقوله بس الباقي عارف إنه بيقلش".

أضاف: "أحمد الشامي أطيب قلب في العالم بس اللي الناس متعرفوش إنه عصبي جدًا، وغادة عادل دمها خفيف، ونيللي كريم مثقفة جدا، أما زينة فهي بتتعامل بطبيعتها وبعفوية".

تابع: "مش بدندن في البيت غير قليل جدًا ومش بسيب حقي مستحيل ولو مكنتش مغني أو ممثل كنت هكون لاعب كرة قدم وبحب أقضي الصيف في الساحل".

وكشف أحمد فهمي، عضو فريق "واما" أنه ليس لديه مشكلة مع تشابه اسمه مع اسم الممثل أحمد فهمي، بل إنه جهز أغنية معه بعنوان "ما تغير اسمك ياسطي" لكنها لم تطرح بعد.

وعن المواقف الطريف بينه وبين أصدقائه، قال: "أنا ومحمد نور صاحبنا نفس البنت وإحنا أطفال ومكنش حد فينا يعرف، وكنا أطفال ولكن لما عرفنا الموضوع كان عادي، ومرة كنت في إيطاليا وأنا عندي 16 سنة، وكنت عايز اتعرف علي بنت فكتبتلها مقطوعة موسيقية".

أكد أن الزواج في سن مبكر جيد وأنه تقدم لزوجته وهو في سن الـ19 عامًا، مشيرا: "الزواج في سن صغيرة حلو علشان هيخليك متعملش غلط، ومش بحب أكشف حياتي الخاصة على السوشيال ميديا، ولو ابني طلب أن يتزوج بدري هقوله يصبر شوية ولازم يكون فيه خصوصية بين الزوجين".

    قـــد يهمــــــــك أيضــــــاُ :

أحمد فهمي يثير الجدل حول عدد زيجاته المتوقعة

«تليجراف» عمل درامي جديد لـ أحمد فهمي